Ўзбекистон ТИВ раҳбари Туркий инвестиция фонди президентини қабул қилди
Ўзбекистон ташқи ишлар вазири Бахтиёр Саидов бугун Туркий инвестиция фонди президенти ва Туркий давлатлар ташкилоти собиқ бош котиби Бағдод Амреев билан учрашди.
«Туркий инвестиция фонди президенти ва Туркий давлатлар ташкилоти собиқ бош котиби Бағдод Амреев билан учрашишдан мамнунмиз, - деб ёзди Ўзбекистон ТИВ раҳбари. - ТДТга аъзо давлатлар ўртасида молиявий алоқалар ва сармоявий ҳамкорликни янада кенгайтириш юзасидан фикр алмашдик».
2022 йил 10-11 ноябрь кунлари Самарқанд шаҳрида Ўзбекистон президенти Шавкат Мирзиёев раислигида Туркий давлатлар ташкилоти давлат раҳбарларининг «Туркий цивилизациянинг янги даври: умумий тараққиёт ва фаровонлик сари» мавзусидаги йиғилиши бўлиб ўтди. Йиғилиш натижалари бўйича ташкилот доирасидаги кўп қиррали ҳамкорликни янада кенгайтиришга қаратилган Туркий давлатлар ташкилоти саммитининг Самарқанд декларацияси қабул қилинди.
Бундан ташқари, ТДТ бош котиби лавозимига Кубаничбек Омуралиев номзодини тасдиқлаш тўғрисида қарор қабул қилинди.
Мавзуга оид
15:03 / 05.09.2024
Ташқи ишлар вазири БМТ бош котиби махсус вакилини қабул қилди
16:38 / 30.08.2024
Ўзбекистон ташқи ишлар вазири UNFPA доимий вакили билан учрашди
09:26 / 22.08.2024
Ўзбекистон ташқи ишлар вазири БМТ махсус маърузачиси билан учрашди
10:23 / 20.08.2024