Донецк ўққа тутилиши ва Мариупол оккупацияси. Уруш суратлари

Украинада урушнинг 531-куни ўтди. Асосий маълумотлар:

Россия Бош прокуратураси ва ИИВ россияликларни ҳарбий комиссариат биноларига ўт қўйишга мажбур қилган фирибгарлик схемаси ҳақида эълон қилди.
Полша Беларус билан чегарага қўшимча ҳарбийлар юборди, расмийлар бу ҳудудга «Вагнер» ХҲК ёлланма жангчилари ўрнаша бошлаганидан кейин чегарани мустаҳкамлашга қарор қилган.
АҚШ Украинага Abrams танкларининг илк партиясини юборишни маъқуллади.
Покровск ўққа тутилиб, камида етти киши ҳалок бўлганининг эртасига Россия мудофаа вазирлиги бу ҳудудда Украина қўшинлари гуруҳининг «олдинги бошқарув пункти»га зарба берилганини маълум қилди. Украина ҚК генерал Конашенковнинг бу баёнотини ёлғон деб атади.
Айрим z-блогерлар украинларнинг бир неча ўн жангчидан иборат бўлинмаси Днипро дарёсининг чап соҳилидаги Казачьи Лагерга кириб келгани ҳақида хабар берди. У ерда айнан нималар бўлаётгани ҳақида ишончли маълумот йўқ. Россиядаги манбалар ушбу аҳоли яшаш манзили Россия армияси назоратида эканини, аммо украин ҳарбийлари чиндан ҳам дарёнинг бу соҳилида бўлиб турганини айтмоқда; украин манбалари эса бу ҳақда ҳеч нарса демаяпти.
Белгия ва Германиядаги нашрлар немисларнинг Rheinmetall ҳарбий-саноат концерни Белгия фирмасидан Leopard-1 русумли 50 дона эски танкни сотиб олиб, улардан тахминан 30 та жангга яроқли танк тайёрлаб, қайтадан жиҳозлаб, Украинага юбораётгани ҳақида хабар берди.

Украина ҚК артиллерия позициясини пана қилиб турган пулемётчи

Украина ҚК артиллериячилари «Град»тизимидан Россия қўшинларининг Бахмут атрофидаги окопларига зарба бераётган маҳалда украиналик жангчи пулемёти билан уларни ҳимоя қилмоқда.
Diego Herrera Carcedo / Anadolu Agency / ABACAPRESS / ddp images / Vida Press

Донецк областидаги украин танкчилари

Донецк областидаги фронт чизиғи яқинида турган украиналик танкчи
Ignacio Marin / Anadolu Agency / ABACAPRESS / ddp images / Vida Press

Украиналик жангчилар танкни фронт яқинидаги ўрмонзорда бекитмоқда
Ignacio Marin / Anadolu Agency / ABACAPRESS / ddp images / Vida Press

Қуролдошлари траншеяни мустаҳкамлаётган маҳалда улар учун қаҳва қайнатаётган украиналик аскар
Ignacio Marin / Anadolu Agency / ABACAPRESS / ddp images / Vida Press

Покровск ўққа тутилиши оқибатлари

Донецк областининг Покровск шаҳридаги турар жойлардан бири 7 август куни кечқурун россияликлар зарбасига учради
Viacheslav Ratynskyi / Reuters / Scanpix / LETA

Покровск аҳолиси вакиллари россияликлар ракетаси келиб тушган бинолардан бирининг яқинида. Ҳужум вақтида кўп қаватли турар жой биноси, меҳмонхона, дўконлар ва маъмурий бинолар шикастланган. Жами тўққиз киши ҳалок бўлиб, 82 киши яраланган.
Viacheslav Ratynskyi / Reuters / Scanpix / LETA

Покровскда яшовчи 72 ёшли Лидия отишма вақтида шикастланган квартирасида
Viacheslav Ratynskyi / Reuters / Scanpix / LETA

Viacheslav Ratynskyi / Reuters / Scanpix / LETA

Ercin Erturk / Anadolu Agency / ABACAPRESS / ddp images / Vida Press

Донецк ўққа тутилиши

Оккупация остидаги ҳукумат маълумотларига кўра, Украина ҚК 8 август куни давомида Донецкка 95 бор зарба берган — тинч аҳоли вакилларидан уч киши ҳалок бўлиб, 11 киши яраланган, улардан бири 2012 йилда туғилган боладир. 24 та уй ва 10 та фуқаролик инфратузилма объектлари зарарланган. ВГТРК «ҳарбий мухбири» Андрей Руденконинг ёзишича, «Россия 24» телеканали тасвирга олиш гуруҳи ҳам зарба остида қолган —ҳеч ким жабрланмаган. Украина томони бу зарбалар юзасидан муносабат билдирмади.