Самарқандда Хитой-Марказий Осиё қўшма лабораторияси ташкил қилинди
Лаборатория ҳайвон суякларини ўрганиш ва улар устида биокимёвий тадқиқотлар олиб боришга ихтисослашган 2 та қисмдан иборат.
Самарқанд шаҳрида жойлашган «Ипак йўли» халқаро туризм ва маданий мерос университетида Хитойнинг Шенси провинцияси билан ҳамкорликда «Инсон ва атроф-муҳитни ўрганиш бўйича «Бир макон, бир йўл» Хитой — Марказий Осиё қўшма лабораторияси» фаолияти йўлга қўйилди.
Ушбу илмий лойиҳа Хитой Халқ Республикасининг Шимоли-ғарбий университети ташаббуси билан Бутунжаҳон туризм ташкилоти шафелигида Халқаро туризм академияси Самарқанд кампуси биносида ташкил этилмоқда.
Лаборатория ҳайвон суякларини ўрганиш ва улар устида биокимёвий тадқиқотлар олиб боришга ихтисослашган 2 та қисмдан иборат бўлиб, ушбу лабораторияда Ўзбекистон ҳудудида топилган ҳар қандай археологик қазишма материалларини тадқиқ қилиш имконияти мавжуд бўлади.
Бугунги кунда, Хитойнинг Шимоли-ғарбий университети томонидан қиймати 1,5 млрд сўмга тенг бўлган 36 турдаги жами 90 дона лаборатория жиҳозлари ва махсус ускуналар харид қилиниб, университетга олиб келинди ва тез кунларда жиҳозлаш ишлари бошланиши режалаштирилган.
Лаборатория қурилишини мувофиқлаштириш ҳамда жиҳозлаш ишлари махсус стандартлар асосида бажарилишини назорат қилиш мақсадида Шимоли-ғарбий университетининг 2 нафар мутахассиси лаборатория қурилишида иштирок этишмоқда.
Мавзуга оид
09:54 / 20.09.2024
Самарқандда қизларни Ўмон давлатига фоҳишаликка жўнатган аёлларга суд ҳукми ўқилди
12:16 / 14.09.2024
Самарқандда ОИИБ бошқарувчилар кенгаши йиллик йиғилиши ўтказилади
17:12 / 13.09.2024
Самарқандда мактабда қарта ўйнаган директор ишдан олинди
22:29 / 12.09.2024