Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 16:01 / 18.10.2023
    23787
    6 дақиқада ўқилади

    Яқин Шарқ, Европа ва АҚШда минглаб кишилар фаластинликларни қўллаб кўчаларга чиқди. Фотосуратлар

    17 октябр куни кечқурун Ғазо секторидаги Ал-Аҳли шифохонаси ҳудудига ракета зарбаси келиб тушди, бу ерни отишмалар туфайли ўз уйларини тарк этган фаластинликлар ҳам бошпана қилганди. ҲАМАС раҳбарияти юзлаб қурбонлар ҳақида хабар бериб, бунда Исроил мудофаа армиясини айблаган. ЦАҲАЛ эса шифохона ҳудудини вайрон қилган ракета Исроил ҳудудини ўққа тутишга ҳаракат қилган «Ислом жиҳоди» гуруҳи томонидан учирилганини даъво қилган. Ғазо секторидаги шифохонада юзлаб кишилар ҳалок бўлгани ҳақида хабарлар тарқалиши билан Туркия, Иордания, Миср, Тунис, Сурия, Ливан, Яман, Эрон ва бошқа кўплаб мамлакатларда Исроил ва АҚШ элчихоналари атрофида оммавий намойишлар бошланди. Фаластинни қўллаб-қувватлаш акциялари нафақат аҳолисининг катта қисми мусулмонлар бўлган мамлакатларда, балки ғарбдаги Испания, Германия ва Америка Қўшма Штатларида ҳам ўтказилди.

    Истанбул, Туркия

    Исроил консулхонаси биноси атрофида бир неча минг киши йиғилган
    Emrah Gurel / AP / Scanpix / LETA
    Исроил миллий хавфсизлик кенгаши Туркияда исроилликларга ҳужум қилиниши хавфи юқори эканини маълум қилиб, мамлакат фуқароларини зудлик билан бу ерни тарк этишга чақирган.
    Burak Kara / Getty Images
    Консулхонага мушаклар ташланган, айрим намойишчилар дипломатик миссия ҳудудига бостириб киришга уринган. NBC News хабарига кўра, турк полицияси бунга йўл қўймаслик учун сув пуркагич ва кўзни ёшлантирувчи газ қўллаган.
    Burak Kara / Getty Images
    Исроилнинг Истанбулдаги консуллиги атрофидаги акциядан ташқари, Американинг «Макдоналдс» ресторанига ҳужум уюштирилган.
    Burak Kara / Getty Images

    Байрут, Ливан 

    Байрут марказида фаластинликларни қўллаб-қувватлаш учун ўтказилган акцияда минглаб кишилар тўпланди.
    Anwar Amro / AFP / Scanpix / LETA
    Намойишчилар АҚШ элчихонасига келишди. Улар Фаластинни қўллаб-қувватловчи шиорлар айтишган.
    Joseph Eid / AFP / Scanpix / LETA
    Ўзи билан Фаластин байроқларини олиб келган намойишчилар уларни Америка элчихонаси деворларига илиб қўйишган.
    Zohra Bensemra / Reuters / Scanpix / LETA
    Ливанда катта таъсирга эга бўлган «Ҳизбуллоҳ» Ғазодаги шифохонага зарба берилишига жавобан «ғазаб куни» эълон қилган.
    Joesph Eid / AFP / Scanpix / LETA
    АҚШнинг Байрутдаги элчихонаси атрофида йиғилган намойишчилар ва полициячилар ўртасида тўқнашув юзага келган. Полиция уларни тарқатиш учун махсус воситаларни қўллаган.
    Joseph Eid / AFP / Scanpix / LETA
    Ливан ва Исроил ўртасида дипломатик алоқалар ўрнатилмагани туфайли мамлакат пойтахти Байрутда Исроил элчихонаси йўқ. Акциялар АҚШ элчихонасидан ташқари Франциянинг Байрутдаги элчихонаси ва БМТнинг Ғарбий Осиё бўйича иқтисодий ва ижтимоий комиссияси штаб-квартираси олдида ҳам ўтказилди.
    Bilal Hussein / AP / Scanpix / LETA

    Наблус ва Рамаллоҳ, Иордан дарёси Ғарбий соҳили

    Иордан дарёсининг Ғарбий соҳилидаги Наблус шаҳрида, бу ерда ҳокимият Маҳмуд Аббос раҳбарлигидаги ФАТҲ ҳаракати қўлида, намойишчилар Ғазо секторини назорат қилувчи ҲАМАС байроқларини кўтариб чиқишган.
    Zain Jaafar / AFP / Scanpix / LETA
    Рамаллоҳда намойишчилар ёнувчи модда солинган бутилкалар ва тошлар улоқтириб, йўлларни тўсишга ҳаракат қилди
    Issam Rimawi / Anadolu / Vida Press

    Работ, Марокаш 

    Марокаш пойтахти Работдаги акция парламент биноси олдидаги майдонда ўтказилди. Намойишчилар Исроил байроқларини ёқишди.
    Jalal Morchidi / EPA / Scanpix / LETA

    Теҳрон, Эрон 

    Американинг ҳам, Исроилнинг ҳам дипломатик миссияси мавжуд бўлмаган Эрон пойтахтида намойишчилар Франция элчихонасига келишди. Унинг деворларига Исроилга қарши шиорлар ёзиб кетилди.
    Abedin Taherkenareh / EPA / Scanpix / LETA
    Теҳронда намойишчилар Буюк Британия элчихонаси олдида ҳам тўпланган.
    Abedin Taherkenareh / EPA / Scanpix / LETA
    Франциянинг Эрондаги элчихонаси томон тухумлар улоқтирилди.
    Atta Kenare / AFP / Scanpix / LETA

    Тунис 

    Тунисда ҳам намойишчилар Франция элчихонаси олдига келишди. Улар Фаластинни қўллаб-қувватлаб, Исроил ва АҚШга қарши шиорлар айтишди. Намойишлар туфайли АҚШ Давлат департаменти Америка фуқароларини ўта огоҳ бўлишга, намойишлар ўтказилаётган ва одамлар тўпланган жойлардан узоқроқ бўлишга, шунингдек «сафар режаларини ўзгартиришга тайёр бўлиш»га чақирди.
    Fethi Belaid / AFP / Scanpix / LETA
    Франция элчихонаси атрофидаги тўсиқлардан ўтишга уринаётган намойишчилар
    Yassine Gaidi / Anadolu / Vida Press

    Берлин, Германия 

    Берлинда фаластинликларни қўллаб-қувватловчи намойишлар тақиқланганига қарамай, Бранденбург дарвозаси олдида намойиш ўтказилди. DW акция иштирокчилари ва полициячилар ўртасида тўқнашувлар рўй бергани ҳақида хабар берган. Берлиннинг Нойкёлн туманида намойишчилар кўчаларни «ёндирилган буюмлар» билан тўсган ва етиб келган полициячиларни тошбўрон қилган.
    Omer Sercan Karkus / Anadolu / Vida Press

    Жирона, Испания

    Айирмачилик ҳаракати кучли бўлган Каталониянинг Жирона шаҳридаги намойишга 500 дан ортиқ киши йиғилди.
    Gloria Sanchez / Contacto / ZUMA Press / Scanpix / LETA
    Норозилик акцияси иштирокчилари Жирона мэрияси балконига йиғилди.
    Gloria Sanchez / Contacto / ZUMA Press / Scanpix / LETA
    Жирона мэриясида Фаластин байроғи ва «Фаластинга озодлик» ёзуви туширилган баннер осиб қўйилди.
    Gloria Sanchez / Contacto / ZUMA Press / Scanpix / LETA

     АҚШ

    Вашингтон марказидаги акцияда ҳам Фаластин, ҳам Исроилнинг тарафдорлари бир вақтнинг ўзида тўпланди. Воқеа жойида олинган суратларда кўриш мумкинки, Исроил томонида бўлган намойишчилар сони фаластинликларни қўлловчилар сонидан анча кам бўлган.
    Spencer Platt / Getty Images / AFP / Scanpix / LETA
    Ню-Йоркда намойишчилар намойишга чиққанларнинг қўлларидаги плакатларда «Дарёдан денгизгача Фаластин» ёзуви акс этган.
    Fatih Aktas / Anadolu / Vida Press
    #Исроил #Фаластин #Ҳамас #Ғазо #Ал-Аҳли шифохонаси

    Ғазодаги геноцид

    2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.

    Мавзуга оид

    22:15

    Исроил авиацияси Яман пойтахти аэропортига зарба берди

    15:21

    Исроил ҲҲК қўмондони Ямандаги ҳусийчиларга ҳужумларни кучайтириш билан таҳдид қилди

    14:07 / 25.12.2024

    Исроилда фавқулодда ҳолат яна бир йилга узайтирилди

    16:05 / 24.12.2024

    «Моссад» ходимлари «Ҳизбуллоҳ» пейжерлари ва рацияларини портлатиш амалиёти қандай тайёрланганини айтиб беришди