Ўзбекистон | 07:13 / 03.11.2023
17834
3 дақиқада ўқилади
Тошкент ва вилоят марказларида айрим транспорт воситаларидан фойдаланиш тақиқланиши мумкин
"Атмосфера ҳавосига транспорт воситаларининг салбий таъсирини камайтириш бўйича чора-тадбирлар тўғрисида"ги ҳукумат қарори лойиҳаси эълон қилинди.
Экология, атроф-муҳитни муҳофаза қилиш ва иқлим ўзгариши вазирлиги, Ички ишлар вазирлиги ва Транспорт вазирлигининг қуйидаги таклифлари қабул қилиниши мумкин:
- юридик ва жисмоний шахсларнинг фойдаланувида бўлган бензин, дизел ва газ двигателлари билан жиҳозланган М ва N тоифалардаги ғилдиракли транспорт воситаларидан ифлослантирувчи моддалар ташламаларининг атмосфера ҳавосига зарарли таъсири бўйича йўл қўйиладиган нормативлар (транспорт воситалари ташламаларининг нормативлари)га мослигини назорат қилиш тизимини жорий этиш;
- атмосфера ҳавосига зарарли таъсири транспорт воситалари ташламаларининг нормативларидан юқори бўлган транспорт воситаларига нисбатан компенсация тўловларини ва (ёки) улардан фойдаланишни чеклаш чораларини татбиқ этиш;
- транспорт воситалари ташламаларининг нормативларга мослигини назорат қилиш ишларига тадбиркорлик субъектларини жалб қилиш;
- ҳудудларда “Эко пост”ларни ташкил этиш учун хусусий инвестиция маблағларини жалб қилиш ва янги иш ўринларини яратиш;
- газ, бензин ва дизел двигателлари билан жиҳозланган М ва N тоифаларидаги ғилдиракли транспорт воситаларини фойдаланиш ва уларни сотиш мақсадида "вақтинча олиб кириш» ва «эркин муомалага чиқариш (импорт)" божхона режимига жойлаштириш уларнинг заҳарлилик даражаси Евро-4 ва ундан юқори ёхуд Евро-4да келтирилган экологик талаблардан паст бўлмаган ўхшаш экологик тоифа талабларига мувофиқлигини экологик сертификатлаш тартибида амалга оширилиши.
Белгилаб қўйилишича:
а) транспорт воситалари ташламаларининг нормативларга мослигини назорат қилиш лаборатория синовларини ўтказиш орқали қуйидаги босқичларда амалга оширилади:
- 2024 йил 1 июлдан бошлаб – барча давлат ва хўжалик бошқаруви органлари, давлат корхоналари ва устав капиталида давлат улуши бўлган ташкилотлар фойдаланувида бўлган транспорт воситалари учун мажбурий тартибда;
- 2025 йил 1 январдан бошлаб – барча бошқа юридик шахслар фойдаланувида бўлган транспорт воситалари учун ихтиёрий тартибда;
- 2025 йил 1 июлдан бошлаб – барча жисмоний шахслар фойдаланувида бўлган транспорт воситалари учун ихтиёрий тартибда;
- б) атмосфера ҳавосига зарарли таъсири транспорт воситалари ташламаларининг нормативларидан юқори бўлган транспорт воситалари бўйича:юридик шахсларга – компенсация тўловларини татбиқ этиш ва 2025 йил 1 сентябрдан ташламаларининг нормативларга мослиги тасдиқланмаган транспорт воситаларидан Тошкент ва Нукус шаҳарлари ҳамда вилоят марказлари ҳудудида фойдаланишни ман этиш;
- жисмоний шахсларга – 2025 йил 1 сентябрдан ташламаларининг нормативларга мослиги тасдиқланмаган транспорт воситаларидан Тошкент ва Нукус шаҳарлари ҳамда вилоят марказлари ҳудудида фойдаланишни тақиқлаш чоралари қўлланади;
- в) транспорт воситаларини мажбурий техник кўрикдан ўтказиш жараёнларида транспорт воситалари ташламаларининг нормативларга мувофиқлигини баҳолаш талаб этилмайди.
Мавзуга оид
12:50 / 21.09.2024
Покистон Ўзбекистон иштирокидаги халқаро транспорт йўлагини ташкил этиш бўйича меморандумни имзолади
09:20 / 09.09.2024
Сув ҳавзаларида моторли транспорт воситалари ҳаракатига рухсат берилади
10:52 / 26.08.2024
Чехия Ўзбекистонда транспорт соҳасида қўшма лойиҳаларни амалга оширади
21:31 / 23.07.2024