Магнус Карлсен Самарқандда блиц бўйича жаҳон чемпиони бўлди
Иккинчи ва учинчи ўринларни россиялик шахматчилар эгаллади. Ўзбекистонлик шахматчилар совриндорлар сафига кира олмади.
Самарқанд шаҳрида шахматнинг блиц йўналиши бўйича жаҳон чемпионати якунланди.
Турнирда 16 очко жамғариб, норвегиялик Магнус Карлсен чемпионликни қўлга киритди. Бу гроссмейстернинг блиц бўйича еттинчи унвони бўлди.
Иккинчи ва учинчи ўринларни россиялик Даниил Дубов (15,5 очко) ва Владислав Артемиев (15 очко) эгаллади.
Ўзбекистонлик шахматчилар турнирда муваффақиятсиз иштирок этди: Шамсиддин Воҳидов ҳамда Нодирбек Ёқуббоев 12,5 очко, Жавоҳир Синдоров 12 очко, Нодирбек Абдусатторов 11,5 очко тўплаб, совриндорлар сафига кира олишмади.
Аввалроқ, Магнус Карлсен рапид йўналиши бўйича ҳам чемпион бўлган эди.
Аёллар ўртасидаги блиц турнирида россиялик Валентина Гунина чемпион бўлди. Швейцариялик Александра Костенюк иккинчи, хитойлик Жу Жинер учинчи ўринни эгаллади.
Ўзбекистонлик Умида Омонова ва Афрўза Ҳамдамова совриндорлар сафига кира олишмади.
Мавзуга оид
09:54 / 20.09.2024
Самарқандда қизларни Ўмон давлатига фоҳишаликка жўнатган аёлларга суд ҳукми ўқилди
12:16 / 14.09.2024
Самарқандда ОИИБ бошқарувчилар кенгаши йиллик йиғилиши ўтказилади
17:12 / 13.09.2024
Самарқандда мактабда қарта ўйнаган директор ишдан олинди
22:29 / 12.09.2024