Қўшимча функционаллар
-
Тунги кўриниш
Трамп журналист аёл даъвоси бўйича 83,3 миллион доллар товон пули тўлашга ҳукм қилинди
Элизабет Жин Кэрролл сиёсатчини туҳмат ва жинсий зўравонликда айблаган эди.
Элизабет Жин Кэрролл Фото: Michael M. Santiago/Getty Images
Ню-Йоркдаги ҳакамлар ҳайъати журналист Элизабет Жин Кэрроллнинг Доналд Трампга нисбатан туҳмат тўғрисидаги даъвоси бўйича ҳукм чиқарди - собиқ президент 83,3 миллион доллар товон тўлаши керак.
2019 йилда Кэрролл 90-йилларнинг ўрталарида Трамп билан бўлган воқеани эълон қилди. Унинг сўзларига кўра, миллиардер унга нисбатан жинсий зўравонлик қилган. Бунга жавобан Трамп Кэроллни танимаслигини ва «ўзининг дидига мос эмаслигини» айтди.
2023 йил май ойида ҳакамлар ҳайъати уни Кэрроллга жинсий тажовузда айбдор деб топиб, 5 миллион доллар жаримага тортди. Ҳукмдан кейин Трамп омма олдида Кэрроллнинг сўзларини ёлғон деб атади.
Иккинчи суд жараёнида ҳакамлар ҳайъати Трамп баёнотларини ёмон ниятли деб топди. Ўз қарорида улар Трампга Кэрроллнинг обрўсини тўккани учун нафақат товон пули тўлашни, балки қўшимча 65 миллион доллар миқдорида жарима тўлашни ҳам белгилашди.
Трамп жараённи «жодугар ови» ва «сиёсий таъқиб» деб атади ва ҳукм устидан шикоят қилишини айтди.
Мавзуга оид
12:05
Трамп жамоасини шакллантирмоқда. Сўнгги тайинловлардан унинг иккинчи муддати қандай бўлишини билиш мумкинми?
07:30
Трамп кичик Кеннедини ССВ раҳбари лавозимига таклиф қилди
21:21 / 14.11.2024
АҚШ долларининг мустаҳкамланиши глобал муаммога айланади — The Economist
21:08 / 14.11.2024