2023 йилда дунёда энг кўп сотилган 10 та смартфон номи эълон қилинди 

Canalys тадқиқот компанияси 2023 йилда дунёда энг кўп сотилган смартфонлар рейтингини эълон қилди. Ўнта ўриндан еттитасини Apple телефонлари эгаллади. 

Биринчи ўринда iPhone 14 Pro Max бўлиб, 12 ой ичида у 34 миллион нусхада сотилган. Қизиғи шундаки, уни уч ой ичида 33 миллион марта сотилган iPhone 15 Pro Max деярли қувиб етди. Учинчи энг оммабоп смартфон iPhone 14 (29 миллион нусха) бўлди. 

Apple билан фақат Жанубий Кореянинг Samsung компанияси рақобатлаша олди. Унинг арзон моделлари Galaxy А14 4G, Galaxy А54 ва Galaxy А14 5G мос равишда олтинчи, саккизинчи ва тўққизинчи ўринларни эгаллади. Ўтган йилги флагман Galaxy S23 Ultra рейтингдан жой олмади. 

Топ-10 2023 йилда дунёда энг кўп сотилган смартфон:

- iPhone 14 Pro Max (34 миллион);

- iPhone 15 Pro Max (33 миллион);

- iPhone 14 (29 миллион);

- iPhone 14 Pro (29 миллион);

- iPhone 13 (23 миллион);

- Galaxy А14 4G (21 миллион);

- iPhone 15 Pro (21 миллион);

- Galaxy А54 (20 миллион);

- Galaxy А14 5G (19 миллион);

- iPhone 15 (17 миллион). 

Таҳлилчиларнинг таъкидлашича, 2023 йилда iPhone Pro модели умумий рейтингда илк маротаба биринчи ўринни эгаллади.