Қўшимча функционаллар
-
Тунги кўриниш
Тошкентда 2 йилда 210 марта қоида бузиб, қидирувда бўлган ҳайдовчи топилди
Тўламаган жарималари миқдори 55,5 млн сўмга етган ҳайдовчининг машинаси жарима майдонига жойлаштирилган.
Тошкентда 210 та қоидабузарлик қайд этган ва қидирувда бўлган ҳайдовчи топилди. Бу ҳақда Kun.uz’га МИБ матбуот хизмати хабар берди.
Маълум қилинишича, жарималарни тўлашда фуқаролар учун қулай бўлган тизим йўлга қўйилганига қарамай, ҳудудларда ўнлаб жарималарни ўз вақтида тўламаган қарздорлар учраб турмоқда.
Жумладан, Тошкент шаҳрида яшовчи К.Б. 210 марта йўл ҳаракати қоидаларини бузиб, жарималарни тўламай келган. МИБнинг Яккасарой туман бўлими давлат ижрочиси олиб борган ижро ҳаракатлари давомида қарздор К.Б. қоидабузарликлари учун ҳисобланган 55 млн 589 минг сўм жаримани тўламагани аниқланган. Шу сабабли унга тегишли машина жарима майдончасига жойлаштирилган.
Қайд этилишича, ҳайдовчи ушбу қоидабузарликларни 2022-2023 йиллар давомида содир қилган. Унга нисбатан қидирув эълон қилинган бўлган.
Олдинроқ Андижонда 96 та қоидабузарлик учун жаримага бир Matiz’нинг пули тўлангани хабар қилинганди.
Мавзуга оид
07:30
Қозоғистонда ўзбекистонлик ҳайдовчига жароҳат етказган фуқарога жиноят иши қўзғатилди
21:58 / 04.11.2024
Сариқ ва қизил рангларда товланаётган Тошкент — фотожамланма
17:42 / 04.11.2024
Хавфсизлик чегарасидан 80 баробар юқори: Лаҳор дунёнинг ҳавоси энг ифлос шаҳарларидан бири
08:10 / 04.11.2024