Тошкентда Telegram орқали ўзгаларнинг пулини ўғирлаган йигит ушланди
У одамларнинг банк карталари маълумотларини қўлга киритиб, маблағларни ўзлаштириб келган.
Киберхавфсизлик бўлими ходимлари томонидан ўтказилган тезкор-қидирув тадбирларида Тошкент шаҳри, Яшнобод туманида яшовчи 20 ёшли Н.А. қўлга олинди. У одамларнинг пулларини интернет орқали ўғирлаб келган.
Қайд қилинишича, Қашқадарё вилояти, Миришкор туманида яшовчи 35 ёшли фуқаро ички ишлар органига мурожаат қилиб, банк картасидан 43,2 млн сўм миқдоридаги пул маблағлари ўғирланганини айтган.
Киберхавфсизлик бўлими ходимлари томонидан ўтказилган тезкор-қидирув тадбирлари натижасида, мазкур жиноятни Тошкент шаҳри, Яшнобод туманида яшовчи 20 ёшли Н.А. содир этгани аниқланган.
У интернет фойдаланувчиларига Telegram мессенжери орқали турли хил мазмундаги ҳаволани жўнатиб, уларни қизиқтириб, банк карта маълумотларини қўлга киритиш орқали пулларни ўғирлаган.
Ҳолат юзасидан Жиноят Кодексининг 169-моддаси (Ўғрилик) 3-қисми билан жиноят иши қўзғатилган ва тергов ҳаракатлари давом этмоқда.
Мавзуга оид
16:34 / 13.09.2024
Британия ИИВ раҳбари мамлакатдаги “ўғрилик эпидемияси” ҳақида нутқ сўзлаётганда унинг ҳамёнини ўғирлаб кетишди
23:17 / 10.09.2024
Австралияда ўсмирларга ижтимоий тармоқлардан фойдаланиш тақиқланиши мумкин
18:20 / 24.08.2024
Тошкент вилоятида ичимлик сувидан ноқнуний фойдаланган корхона раҳбари 5 йилга қамалди
23:13 / 17.08.2024