Қирғизистон-Ўзбекистон чегарасида яна бир махфий туннел топилди
Ер ости йўлидан одамлар ва товарлар Ўзбекистонга ноқонуний олиб кирилгани таъкидланмоқда.
Қирғизистоннинг Жалолобод вилоятида яна бир ер ости йўли топилди, у орқали одамлар ва контрабанда товарлари қўшни Ўзбекистон ҳудудига ноқонуний олиб ўтилган. Гумонланувчи қўлга олинди, деб хабар берди Қирғизистоннинг Ўш вилояти ИИБ матбуот хизматига таяниб Kaktus.
5 апрел куни Ўш вилояти ИИБ ходимлари Қирғизистон чегарасини ноқонуний кесиб ўтган Ўзбекистон фуқаросини қўлга олди. Текширув давомида у Қирғизистонга икки давлатни боғлайдиган яширин туннел орқали қонуний чегарани четлаб ўтгани маълум бўлган.
Полиция Қирғизистон Жиноят кодексининг 168-моддаси «Ноқонуний миграцияни ташкил этиш, мигрантларни ноқонуний олиб кириш» моддаси бўйича жиноят иши очди.
12 апрелга ўтар кечаси Ноокен туманида маҳаллий фуқаро қўлга олинди. У Қирғизистон-Ўзбекистон чегарасини ноқонуний кесиб ўтишни пул эвазига ташкил қилганликда гумонланмоқда.
Полиция маълумотларига кўра, қўлга олиш чоғида гумонланувчидан махсус белгили валюта ва тунги кўриш дурбинлари мусодара қилинган. Шунингдек, унинг уйидан дастлабки қиймати қарийб 30 минг долларга тенг 87 қути наркотик модда топилган.
Мавзуга оид
18:49 / 20.09.2024
Қирғизистонда коррупционерлар ва уларнинг қариндошларига давлат лавозимида ишлаш тақиқланади
22:04 / 16.09.2024
Қирғизистондан Ўзбекистонга от уюрини ноқонуний ҳайдаб ўтмоқчи бўлганлар ушланди
14:40 / 16.09.2024
Германия чегараларида умумий танланган назорат жорий этиляпти
20:33 / 14.09.2024