Басклар мамлакатидаги сайловлар: айирмачиларнинг тарихий муваффақияти

Илгари ЭТА басклар террорчилик гуруҳи билан алоқадор бўлган бўлгинчи «Басклар мамлакатининг бирлиги» чап қанот коалицияси 21 апрел, якшанба куни Испаниянинг бирида бўлиб ўтган минтақавий парламент сайловларида ўзининг энг яхши натижаларига эришди. Овозларнинг 95 фоизи ҳисоблаб чиқилганидан сўнг, Испания шимолидаги мустақиллик тарафдорлари коалиция парламентдаги 75 ўриндан 27 тасини қўлга киритди, бу 2020 йилдаги сўнгги сайловлардагидан олтитага кўп. 

Бироқ, БМБ мухолифатда қолмоқда, чунки Баск миллатчилар партияси (БМП) ва социалистлар ҳукмрон коалицияси, дастлабки натижаларга кўра, мос равишда 27 ва 12 ўринни қўлга киритди ҳамда шу тариқа парламентда мутлақ кўпчиликни сақлаб қолди. Янги лендакари (Баск маъмурияти раҳбари), эҳтимол БМПдан Иманол Прадалес бўлади, у 2012 йилдан буён бу лавозимни эгаллаб келаётган партиядоши Иниго Уркуланинг ўрнини эгаллайди, дея хабар беради dpa.

БМБнинг ҳозирги раҳбари - террористик гуруҳ собиқ аъзоси ва сиёсий маҳкум

«Баск мамлакатининг бирлиги» коалицияси амалдаги раҳбари Арналдо Отеги бир пайтлар Испанияда мустақил давлат яратиш учун, жумладан, террорчилик усуллари билан курашган ЭТА гуруҳи аъзоси эди. ЭТА тахминан 3000 ҳужум учун жавобгар бўлиб, улар 850 дан ортиқ ўлимга олиб келган. Отеги Испанияда бир неча бор «терроризмни улуғлаш» учун судга тортилган, шунингдек, Испанияда тақиқланган «Батасуна» партиясини қайта тиклашга уриниш учун қамоқ жазосини ўтаган. 

Бироқ 2015 йилда Европарламентда Арналдо Отега ва бошқа басклик сиёсий маҳбусларни қўллаб-қувватлаш кампанияси бўлиб ўтди, 2018 йилда эса Европа Инсон ҳуқуқлари суди Испания Отегининг мустақил ва холис суд жараёнига бўлган ҳуқуқларини бузган, деган қарорга келган.