Хитой компанияси Термиз–Душанбе автойўлининг пулли дублёрини қурмоқчи
Сурхондарё вилояти ҳокимлиги инвестордан лойиҳани ишлаб чиқишда турар жойлар ва дарахтлар кўчирилишини минимал даражага туширишни сўради.
Хитойнинг Hunan Industrial Equipment Installation Co. Ltd компанияси Бишкек–Душанбе–Термиз автомобил йўлига параллел пулли автомагистрал қуришни режалаштирмоқда.
Компания расмийлари 11 май куни Сурхондарё вилояти ҳокими Улуғбек Қосимов билан учрашган.
“Музокаралар давомида йўл қурилишининг экологик ва иқтисодий жиҳатларига, хусусан, турар жойлар ва дарахтлар кўчирилишини минимал даражага тушириш, лойиҳанинг табиатга таъсирини имкон қадар камайтириш масалаларига эътибор қаратилди.
Якунда мутахассисларни жалб қилган ҳолда лойиҳани такомиллаштириш бўйича ҳамкорликдаги ишлар келишиб олинди”, – дейилади вилоят ҳокимлиги матбуот хизмати хабарида.
Қайд этилишича, Хитойнинг Hunan Industrial Equipment Installation Co. Ltd компанияси ўзининг 66 йиллик фаолияти давомида 40 минг километрдан зиёд узунликдаги пулли йўлларни қурган.
Эслатиб ўтамиз, Ўзбекистон ҳукумати Тошкент–Андижон ва Тошкент–Самарқанд йўналишларида давлат-хусусий шериклик асосида пулли автойўллар қуришни режа қилган. Аввалроқ Тошкент–Андижон пуллик йўли лойиҳаси 4,65 млрд долларга баҳоланган эди.
Мавзуга оид
14:28 / 18.09.2024
“Водород сулфиди юқори концентрацияда сизиб чиқиши кузатилмади” – Эковазирлик
13:34 / 18.09.2024
Бойсундаги конда яна авария кузатилди. Қурбонлар бор
12:08 / 12.09.2024
Сурхондарёда инспекторни ҳақоратлаб, погонини юлган майорга танбеҳ берилди
20:57 / 03.09.2024