Тошкентда эркак ҳайдовчи Malibu’ни 173 км тезликда бошқарди
У йўл ҳаракати қоидаларини қўпол равишда бузиб, тунги Тошкентда катта тезликда сайр қилганини Instagram'даги саҳифасига жойлаштирган.
Instagram тармоғида sab1rjanav_777 аккаунти эгаси Тошкент шаҳридаги кўчалардан бирида Malibu 2 автомобилини юқори тезликда ҳайдагани акс этган видеони stories'ига жойлаштирган.
Йигит Malibu 2 да 173 км тезликка чиққани кўринади. У бу тезликка чиққунча чорраҳада йўл чизиғи устидан ҳаракатланиб, яна бир қоидани бузган.
Унинг Instagram stories’ига қаралса, у тезликнинг ашаддий ишқибози эканлиги ойдинлашади. Хусусан, унинг яна бир видеосида мотоциклда 190 км тезликда ҳаракатлангани акс этган.
Маълумот учун, Ўзбекистонда транспорт воситаларига рухсат этилган максимал ҳаракатланиш тезлиги:
• Тошкент ва Нукус шаҳарлари, вилоят ва туман марказларида 60 км/соат;
• бошқа аҳоли пунктларида 70 км/соат;
• аҳоли пунктларидан ташқарида енгил автомобилларга 100 км/соат, шаҳарлараро қатнайдиган автобус ва юк машиналарига 90 км/соат деб белгиланган.
Эслатиб ўтамиз, аввалроқ Ангренда 157 км/соат тезликда ҳаракатланиб, йўл ҳаракати қоидаларини бузган Equinox ҳайдовчисига чора кўрилганди. Ҳайдовчи ўшанда бундай юқори тезликда ҳайдаш мумкин эмаслигини билмаганини айтганди.
Мавзуга оид
14:07
Ромитан ҳокими ёрдамчиси содир этган ЙТҲда мактаб ўқувчиси ҳалок бўлди
07:30
Тошкентда машинасини сотишни айтиб, ўзганинг пулини ўзлаштирган шахс ушланди
15:26 / 20.09.2024
Скутер ва юк машиналарига доир тақиқлар, “радарлар” ҳамда ЙҲХХнинг бекор бўлаётган ваколати – Сенат янги ўзгаришларни маъқуллади
14:28 / 20.09.2024