Тошкентда Zeekr автомашинаси йўл четидаги автобус бекатига бориб урилди

Минор метро бекати қаршисида содир бўлган ЙТҲ оқибатида тан жароҳати олганлар йўқ.

Фото: UzNews.uz

Жорий йилнинг 15 август куни соат 15:50 ларда Юнусобод тумани Амир Темур кўчаси Минор метро бекати қаршисида йўл-транспорт ҳодисаси содир бўлди.

Тошкент шаҳар ИИББ ЙҲХБ хабарига кўра, ҳайдовчи, 1992 йилда туғилган А.Ш. Zeekr русумли автомашинаси ҳаракат вақтида рул бошқарувини йўқотиб йўл четидаги автобус бекатига урилган.

ЙТҲ натижасида тан жароҳати олганлар йўқ.

Ҳолат бўйича Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.

#бекат #Zeekr