Қўшимча функционаллар
-
Тунги кўриниш
Самарқандда содир бўлган ЙТҲда икки киши ҳалок бўлди
Ҳодисага автомактаб ўқитувчи-инструкторининг йўл ҳаракати қоидаларини бузиши сабаб бўлгани айтилмоқда.
Фото: Видеодан кадр / MY5
Самарқанд вилояти Пахтачи туманида тўртта транспорт воситаси иштирокида содир бўлган йўл-транспорт ҳодисасида икки киши ҳалок бўлди. Бу ҳақда “Марказий студия” информацион дастурида маълум қилинди.
Маълум қилинишича, вилоятлараро қатновчи Cobalt ҳайдовчиси М-37 халқаро автомобил йўлининг Пахтачи тумани ҳудудидан ўтган қисмида бошқарувни йўқотган.
Машина ўзи билан бир йўналишда ҳаракатланиб келиб қайрилиб олаётган Трекерга урилган. Сўнг қарама-қарши томонга ўтиб Нексия-3 ва автобус билан тўқнашган.
Оқибатда оғир тан жароҳатлари олган Cobalt йўловчиси ҳодиса жойида, ҳайдовчиси шифохонада вафот этган.
Телеканалда берилган лавҳада автомактаб ўқитувчи-инструктори йўл-транспорт ҳодисаси содир этиб ҳодиса жойидан қочиб кетгани айтилади.
Қайд этилишича, ҳодиса юзасидан Пахтачи тумани ИИБ тергов бўлими томонидан жиноят иши қўзғатилган. Ҳозирда тергов ҳаракатлари олиб борилмоқда.
Мавзуга оид
10:53
Миср Самарқанд вилояти туман ва шаҳарларида сув таъминоти тизимини модернизация қилиши мумкин
22:54 / 06.11.2024
Тахтақорача довонида транспорт воситалари ҳаракати тикланди
20:50 / 06.11.2024
Тахтақорача довонидаги ҳалокатда уч киши вафот этгани тасдиқланди
18:04 / 06.11.2024