Самарқандда Нексия-2 машинаси ёниб кетди
Нексия-2 йўл четида ёқилғиси тугаб тўхтаб турган Волга машинасига келиб урилган ва ёнғин чиққан.
Самарқанд шаҳрида содир бўлган йўл-транспорт ҳодисаси оқибатида Нексия машинаси ёниб кетди. Вилоят ИИБ ЙҲХБ ахборот хизматининг хабар беришича, ҳодиса 2024 йил 4 сентябр куни содир бўлган.
Нексия-2 шаҳарнинг Бўстонсарой кўчасида ҳаракатланиб келиб йўлнинг ўнг томонида ёқилғиси тугаб тўхтаб турган "Волга" машинасининг орқа қисмига келиб урилган.
Оқибатда Нексия-2да ёнғин содир бўлган ва машинанинг асосий қисми ёниб кетган. Ёнғин Самарқанд шаҳар ФВБ ходимлари томонидан ўчирилган. Ҳодисада ҳеч ким тан жароҳати олмаган ва вафот этмаган.
Қайд этилишича, ҳолат юзасидан Самарқанд шаҳри бўйича ИИО ФМБ ЖХХ ЙҲХБ томонидан дастлабки суриштирув ишлари олиб борилмоқда.
Мавзуга оид
14:07 / 21.09.2024
Ромитан ҳокими ёрдамчиси содир этган ЙТҲда мактаб ўқувчиси ҳалок бўлди
15:26 / 20.09.2024
Скутер ва юк машиналарига доир тақиқлар, “радарлар” ҳамда ЙҲХХнинг бекор бўлаётган ваколати – Сенат янги ўзгаришларни маъқуллади
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024