Ўзбекистонга ўқотар қурол олиб кирмоқчи бўлган фуқаро ушланди
Россиядан келган фуқаро Ўзбекистонга ўқотар қуролни яширинча олиб кирмоқчи бўлгани аниқланди.
“Тошкент-Аэро” ихтисослаштирилган божхона комплекси хабарига кўра, 17 сентябр куни Ислом Каримов номидаги Тошкент халқаро аэропорти чегара-божхона пости ходимлари томонидан Екатеринбург - Тошкент йўналиши бўйича учиб келган фуқаронинг 1 дона яшил рангли йўл сумкаси тегишли тартибда текширилди.
Сумка ичидан божхона назоратига белгиланган тартибда тақдим этилмаган, оғзаки сўровда маълум қилинмаган, ички ишлар органларининг тегишли рухсатномаларисиз бўлган 1 дона Stalker пневматик тўппончаси ҳамда 860 дона ўқлар борлиги аниқланди.
Ҳозирда ҳолат юзасидан суриштирув ҳаракатлари олиб борилмоқда.
Мавзуга оид
08:14 / 29.08.2024
Ўқотар бўлмаган қуролни ўз ихтиёри билан топширганлар жавобгарликка тортилмайди
11:28 / 19.08.2024
Amnesty International можаролар ҳудудига қурол етказиб берилишини қоралади
14:47 / 26.06.2024
Сербия НАТО давлатларига қурол сотишда давом этади
10:28 / 21.06.2024