Бербок Украина бўйича тинчлик музокараларининг контурларини белгилаб берди

Германия ташқи ишлар вазири Анналена Бербок Россиянинг Украинага қарши урушига чек қўйиш бўйича мумкин бўлган тинчлик музокараларининг контурларини белгилаб берди. «Тинчлик Украинанинг эркин ва мустақил давлат сифатида мавжудлиги кафолатланиши кераклигини англатади, бу хавфсизлик кафолатларини англатади», деди у 24 сентябр, сешанба куни кечқурун Ню-Йоркда бўлиб ўтган БМТ Хавфсизлик кенгаши йиғилишида.

«Бир томондан, жаҳон ҳамжамиятидаги тобора кўпроқ шерикларимиз бу урушни қандай тугатиш ҳақида ўйлаётганидан жуда миннатдормиз. Бизга бу керак. Бизга бу урушни тугатиш керак. Лекин бу биз жим ўтирамиз дегани эмас. Урушнинг охири кўринмагунча ва Россия президенти Владимир Путин музокаралар столига ўтирмагунча. Россиянинг Украинанинг қолган қисмларини вайрон қилишини томоша қилиш қабул қилиниши мумкин эмас», деб таъкидлади Бербок.

Украиналик болаларни ўғирлаш ва уларни Россияга олиб кетиш

Анналена Бербок ўз нутқида украиналик болаларни Россияга мажбуран депортация қилишга алоҳида эътибор қаратди. Киев маълумотларига кўра, Россия уруш бошланганидан бери камида 19,5 минг болани ўғирлаб кетган ва улардан 400 дан камроғи ватанига қайтган.

«Россия 923 кундан бери бу жиноятларни амалга оширмоқда, болалар ўғирлаб кетилган ва 923 кундан бери қийноққа солинмоқда», — дея таъкидлади у. Россия Федерациясининг доимий вакили Василий Небензяга мурожаат қилиб, Бербок шундай қўшимча қилди: «Сизнинг мамлакатингиздаги энг қудратли одам ўғирлаб кетган ўсмирларнинг орқасида яшириниши мумкин, аммо сиз дунёни алдай олмайсиз».