Қўшимча функционаллар
-
Тунги кўриниш
ЭТК монтёри билан тил бириктириб электрдан ноқонуний фойдаланган шахсга жиноят иши қўзғатилди
Аниқланган иккита ҳолат юзасидан жиноят ишлари қўзғатилган.
Фото: Бош прокуратура ҳузуридаги департамент
Наманган ва Андижон вилоятларида энергия ресурсларига ноқонуний уланиш ҳолатлари фош этилган. Бу ҳақда Бош прокуратура ҳузуридаги департамент хабар бермоқда.
Маълум қилинишича, департаментнинг Норин тумани бўлими томонидан ўтказилган терговга қадар текширувда фуқаро Б.У. туман электр тармоқлари корхонаси монтёри Ш.А. билан ўзаро тил бириктириб, хонадонида ўрнатилган уч фазали электр ҳисоблагични ҳисоб дастурига киритмасдан жами 319,3 млн сўмлик электр энергиясидан ноқонуний фойдалангани аниқланган.
Шу каби, департаментнинг Андижон шаҳар бўлими ва ЭТК ходимлари ҳамкорлигида ўтказилган терговга қадар текширувда фуқаро Ж.А. “Юксалиш” МФЙ ҳудудидаги фуқаро О.А.га тегишли спорт клуби биносида тижорат мақсадида электр тармоғидан ўзбошимчалик билан уланиб, жами 226,3 млн сўмлик электр энергиясидан ноқонуний фойдалангани аниқланган.
Қайд этилишича, мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
Мавзуга оид
12:10 / 31.10.2024
Нурафшонда ярим миллиард сўмдан ортиқ электрдан ноқонуний фойдаланган цех аниқланди
07:30 / 31.10.2024
Тошкентнинг уч туманида электр таъминоти вақтинча ўчирилади
11:46 / 30.10.2024
1 ноябрдан бошлаб чиқиндидан қарзи борларга электр учун тўлов қилиш чеклаб қўйиладими?
11:38 / 25.10.2024