Қўшимча функционаллар
-
Тунги кўриниш
Малайзия Ўзбекистон давлат идораларига қуёш панелларини ўрнатишни бошлайди
Sunview Group компанияси менежери Энергетика вазирлиги қошидаги Yashil Energiya МЧЖ билан ижтимоий объектлар ва давлат идораларига панелларни ўрнатиш ишларини бошлашга тайёрлигини маълум қилди.
Фото: "Дунё" АА
Ўзбекистон элчиси Каромиддин Гадоев Малайзиянинг Селангор штатининг Куала-Лангат тумани Женжаром шаҳарчаси ҳудудида жойлашган Sunview Group компаниясига қарашли қуёш фотоэлектр станциясига ташриф буюриб, компаниянинг лойиҳалар менежери Жон Стид билан учрашув ўтказди.
Учрашув аввалида Жон Стид компания томонидан ушбу Женжаром қуёш фотоэлектр станциясининг техник хусусиятлари билан таништирди. Унинг айтишича, 32 гектар майдонда қурилган ушбу станция шу йил июл ойида қуриб битказилган. Станциянинг умумий қуввати 26 МВт ва умумий электр тармоғига электр энергияси узатмоқда.
Sunview Group компанияси вакилига кўра, жорий йил июл ойида компания ва Ўзбекистон Энергетика вазирлиги ўртасида иккита қуёш электр станцияларини қуриш бўйича дастлабки шартларни белгилаш тўғрисидаги битим имзоланган.
Жон Стид Энергетика вазирлиги қошидаги Yashil Energiya МЧЖ билан ижтимоий объектлар ва давлат идораларига панелларни ўрнатиш ишларини бошлашга тайёрлигини маълум қилди.
Sunview Group компанияси вакили, шунингдек, компания Қашқадарё вилоятида сув насос станцияларини қайта тикланувчи электр манбалари билан таъминлаш лойиҳасини амалга ошириш имкониятлари ва техник хусусиятлари ўрганиш ишларини ҳам бошлашга тайёрлиги билдирди.
Мавзуга оид
15:52 / 25.10.2024
Малайзияда аёл касал эрига 6 йил ғамхўрлик қилди, аммо эркак соғайгач, уни ташлаб кетди
10:10 / 25.10.2024
Икки ҳудудда энергия ресурсларидан ноқонуний фойдаланиш ҳолати фош этилди
09:10 / 23.10.2024
Энергетика ресурслари истеъмолчилари энергия аудитини ўтказиш тартиби тасдиқланди
13:10 / 21.10.2024