Қўшимча функционаллар
-
Тунги кўриниш
Ўзбекистон ва Россия қўшма корхоналарни кўпайтиришни муҳокама қиляпти
Ўзбекистон элчихонасида Россиянинг йирик ишбилармонлари ҳамжамияти ҳамда топ-менежерларини бирлаштирган "Биринчилар клуби" аъзолари билан учрашув бўлиб ўтди.
Фото: "Дунё" АА
2017 йил апрел ойида ташкил этилган "Биринчилар клуби" бугунги кунда Россия бизнес ҳамжамиятининг 900 дан ортиқ аъзоларини ва ушбу мамлакат бозорининг 26 та соҳаси етакчилари бўлган топ-менежерларни бирлаштирган.
Клубнинг асосий мақсади ишонч маконини яратиш, бизнеснинг мураккаб муаммоларини очиқ мулоқот орқали ҳал этиш, қўшма лойиҳаларни амал ошириш ва бизнеснинг ўсиши ҳам ривожланиши учун янги имкониятлар очишдан иборат.
Мулоқот давомида тадбиркорлик ва иқтисодиёт тармоқларини ривожлантиришнинг ўрни, Ўзбекистон бозори салоҳияти, икки мамлакат ишбилармонлари учун очилаётган имкониятлар муҳокама қилинди.
Мамлакатнинг инвестициявий ва сайёҳлик салоҳияти, Ўзбекистон ҳудудларининг сармоявий жозибадорлигига оид тақдимотлар ўтказилди.
Ўзбекистон-Россия савдо-иқтисодий ҳамкорлигини янада ривожлантириш истиқболлари, жумладан, қўшма бизнес лойиҳаларни амалга ошириш, қўшма корхоналарни кўпайтириш, ҳудудлараро ҳамкорликни ривожлантириш истиқболлари юзасидан фикр алмашилди.
"Биринчилар клуби" экспертлари, ўз навбатида, Ўзбекистон ва Россияда бизнеснинг ривожланаётган тармоқлари, жумладан логистика, IТ ва инвестиция соҳаларига алоҳида эътибор қаратдилар.
Мавзуга оид
09:59
Украина хандақларида тақиқланган CS гази излари топилди
00:36
Россия БМТнинг Суданда ўт очишни тўхтатиш резолюциясига вето қўйди
21:08 / 18.11.2024
Оқ уй Украинага АҚШ қуроллари билан Россияга зарба йўллашга рухсат берилганини тасдиқламади
20:14 / 18.11.2024