Андижон – Фарғона водийси ҳудудида жойлашган вилоятлардан бири бўлиб, у 1942 йил 6 мартда ташкил топган. Таркибида 14 та туман, 2 та шаҳар (Андижон ва Хонобод шаҳри) мавжуд. 2003 йилда вилоят “Амир Темур” ордени билан тақдирланган.

Водий вилоятлари тоғ тизмалари билан ўралгани учун қишда Андижон вилоятида об-ҳаво бирмунча барқарор. Аҳолисининг кўпчилигини ўзбеклар ташкил этади. Бундан ташқари, ҳудудда қирғизлар, тожиклар, уйғурлар, руслар, корейслар, қангли ва бошқалар ҳам бор. Россия Қўқон хонлигини босиб олгач, бу ерга рус, украин, татар, арман, яҳудий ва бошқа миллат вакиллари кўчиб келган. 

Андижон вилояти республика ишлаб чиқаришда ва маданий тараққиётида етакчи ўрин тутган вилоятлардан бири. Республиканинг 2,6 % нефтини, 8,3 % пахтасини, 8,7 % пахта толасини, 8,7 % ўсимлик мойини беради (2000; режага нисбатан). Табиий ресурслар, қишлоқ хўжалиги хом ашёси негизида ишлайдиган саноат тармоқлари, шунингдек аҳолига истеъмол буюмлари ишлаб чиқарадиган корхоналар барпо етилди. Вилоятда тадбиркорлик ривожланиб бораяпти. Уни қўллаб-қувватлаш мақсадларига 2 млрд. сўмдан зиёд кредит берилиб, 3,4 млн. АҚШ доллари миқдорида чет эл сармояси жалб қилинди.1995-2000-йиллар мобайнида вилоят иқтисодиётига 23,5 млрд. сўм чет эл сармояси киритилди.

Майдони – 4303 минг км². 

Аҳолиси 2023 йил ҳолатига кўра, 3 338 200 киши.