Сурхондарё вилояти – Ўзбекистоннинг энг жанубий қисмида, Сурхон-Шеробод водийсида жойлашган.

Сурхондарё жанубда Афғонистон, ғарбда Туркманистон, шарқда ва озроқ шимолда Тожикистон республикалари билан, шимолий-ғарбда Қашқадарё билан чегарадош.

Вилоят ҳудуди 20,1 километр квадрат бўлиб, аҳолиси 2 млн 836 минг кишини (2023 йил 1 июл ҳолатига) ташкил этади.

Сурхондарё вилояти 1941 йил 6 март куни ташкил этилган. Унгача Сурхондарё округи бўлган. 1960 йил 25 январ куни Қашқадарё билан битта вилоятга айлантирилган. 1964 йил февралда қайтадан ташкил этади.

Вилоятда 14 та туман бор. Маъмурий маркази Термиз шаҳри. Сурхондарё аҳолисининг 78 фоизини ўзбеклар ташкил этади. Бундан ташқари вилоятда тожиклар, руслар, туркманлар ва бошқа миллат вакиллари яшайди.

Сурхондарё вилоятининг табиати хилма-хил. Унинг бир қисми текисликлар ва чўллардан, яна бир қисми тоғлардан иборат.

Вилоятда археологик қадамжолар ва обидалар жуда кўп. Термиздаги Ҳаким ат-Термизий, Шерободдаги Имом ат-Термизий, Жарқўрғондаги 11-асрда қурилган минора шулар жумласидан.

Бойсун тумани табиати ва Сариосиё туманидаги Сангардак шаршараси бутун республикага машҳур.