Pentagon Turkiyaga IShIDga qarshi kurashda yetarlicha jonbozlik ko‘rsatmayotgani uchun tanbeh berdi

AQSh hukumati Turkiyaning IShIDga qarshi kurashdagi sa'y-harakatlari yetarlicha emas deb hisoblamoqda. Bu haqda Pentagon rahbari Eshton Karter bayonotiga iqtibos keltirgan holda Reuters axborot agentligi xabar bermoqda. 

“Turkiya – bizning ko‘p yillik do‘stimiz va NATOdagi ittifoqchimizdir. Biz uni qo‘llab-quvvatlaymiz. Biz uni o‘z hududini himoya qilish masalalarida uning tarafidamiz. Biroq haqiqat shundayki, Turkiya Iroq va Suriya bilan uzun chegaraga ega va u orqali ikkala yo‘nalishda ham xorijiy jangarilar o‘tib ketmoqda”, deb aytdi Karter.

Karter “turklar IShIDga qarshi kurashda bundan ko‘proq jonbozlik ko‘rsata olishlari mumkinligini” aytdi.