Obama “Oskar” mukofoti bilan bog‘liq mojaroga izoh berdi

AQSh prezidenti Barak Obama AQSh kinoakademiyasining “Oskar” mukofoti atrofidagi mojaroga birinchi marta izoh berdi, deb xabar bermoqda ABC News.

“Fikrimcha, agar har bir odamning tarixi gapirib beriladigan bo‘lsa, unda san'atning o‘zi yanada yaxshiroq bo‘lardi. Ko‘ngilochish sanoati agar barcha o‘zini yagona amerika oilasi deb his qilsa, yaxshiroq bo‘lardi”, deb aytdi Obama.

Obamaning fikricha, sanoat umuman olganda “boshqa istalgan soha kabi vazifalarni bajarishi – iste'dodlarni izlashi, ularga imkoniyat berishi kerak”.

Obama “Oskar” atrofidagi bahslar aslida yanada chuqurroq, ya'ni “barchada imkoniyat bo‘lishi uchun nimagadir erishdikmi?” degan muammoni aks ettirishini aytdi.