Belarus prezidenti Islom Karimov qabrini ziyorat qildi
Belarus prezidenti Aleksandr Lukashenko 6 oktabr kuni O‘zbekistonga tashrif buyurdi va bu yerda O‘zbekistonning Birinchi Prezidenti Islom Karimov qabrini ziyorat qildi. Bu haqida Belarus rahbarining matbuot xizmati xabar berdi.
“Davlat rahbari samolyoti Samarqand aeroportiga qo‘ndi”, - deyiladi xabarda.
Manbaga ko‘ra, Samarqand aeroportida Aleksandr Lukashenkoni O‘zbekiston Prezidenti vazifasini bajaruvchi Shavkat Mirziyoyev kutib olgan.
“Belarus prezidenti Shohi Zinda majmuasi yonida joylashgan “Hazrati Xizr” qabristonini ziyorat qildi hamda Islom Karimov qabriga guldasta qo‘yib, uning xotirasiga hurmat bajo keltirdi”, - deyiladi manbada.
Ma'lumotlarga ko‘ra, Sh.M.Mirziyoyev Belarus prezidentiga yodgorlik majmuasi va qabriston tarixi haqida so‘zlab bergan. Shundan so‘ng Lukashenko Forumlar saroyiga yo‘l olgan. Bu yerda Belarus davlat rahbari O‘zbekistonning Birinchi Prezidenti surati ostiga gulchambar qo‘ydi va Islom Karimovning turmush o‘rtog‘i Tatyana Karimova bilan suhbatlashib, unga o‘z hamdardligini bildirdi.
Mavzuga oid
09:54 / 20.09.2024
Samarqandda qizlarni O‘mon davlatiga fohishalikka jo‘natgan ayollarga sud hukmi o‘qildi
15:18 / 17.09.2024
Nima uchun hozirgina o‘ylagan narsamizni unutib qo‘yamiz?
12:16 / 14.09.2024
Samarqandda OIIB boshqaruvchilar kengashi yillik yig‘ilishi o‘tkaziladi
17:12 / 13.09.2024