Andijonda O‘zbekiston va Germaniya hamkorligidagi vodiyda yagona bo‘lgan laparaskopiya markazi ochildi
Bugun Andijon Davlat Tibbiyot instituti qoshidagi klinikada Germaniya hamkorlik tashkiloti loyihasi asosida tashkil etilgan yangi laparaskopiya o‘quv markazining tantanali ochilish marosimi o‘tkazildi.
Ushbu markazning tashkil etilishi nafaqat Andijon, balki Farg‘ona vodiysida diagnostikani rivojlantirishga, davolashga hamda ushbu yo‘nalishda faoliyat ko‘rsatayotgan shifokorlarning malaka va tajribalarini yanada oshirishga xizmat qilishi shubhasiz. Maskanda shifokorlar ixtiyoriga jami 355 mln. so‘m mablag‘ evaziga keltirilgan eng zamonaviy davolash va diagnostika uskunalari o‘rnatilgan.
Tadbir avvalida tashkil etilgan anjumanda so‘z olgan Andijon viloyati hokimining birinchi o‘rinbosari Muhammadjon Nishonov ushbu loyihani yaratishda yaqindan yordam bergan tashkilotchilar O‘zbekiston Respublikasi Sog‘liqni saqlash vazirligi, GIZ loyihasi vakillari, Andijon Davlat Tibbiyot instituti hamda barcha hamkorlarga o‘z minnatdorchiligini bildirdi. O‘z navbatida GIZ loyihasi vakili Gunnar Shtrote ham tashkil etilgan o‘quv-markazi Farg‘ona vodiysi mutaxassislarining muntazam ravishda malakasini oshirib turishlari uchun katta ahamiyatga ega ekanligi borasida o‘z fikrlarini bildirdi.
Elmurod Ermatov, Andijon.
Mavzuga oid
16:57 / 19.09.2024
Andijonda elektrdan noqonuniy foydalangan tadbirkordan 20 mln so‘m olgan ETK muhandislari ushlandi
10:00 / 13.09.2024
Xitoy Andijonda chiqindilardan energiya ishlab chiqarishni yo‘lga qo‘yadi
20:05 / 12.09.2024
Hududlarda tadbirkorlar quyosh panellarini o‘rnatishga majburlanmoqda. Vazirlik tomoshabinmi?
09:50 / 11.09.2024