AQSh o‘z esminetsi o‘qqa tutilganiga javoban Yaman bo‘ylab zarbalar berdi
AQSh harbiylari prezident Barak Obamaning topshirig‘i bo‘yicha o‘z kemalarini himoyalash va ularning erkin suzishini ta'minlash maqsadlarida Yaman bo‘ylab "cheklangan miqdorda" zarbalar berdi. Bu haqda Pentagondagi manbaga asoslangan holda Reyter agentligi xabar tarqatdi.
Hujumlar natijasida nishondagi obektlar yo‘q qilingan. Amerikalik harbiylar "AQShning harbiy kemalariga va tijoriy qatnovlariga bo‘lgan istalgan tahdid yo‘q qilinishi"ni qayd etishgan.
12 oktabr kuni Pentagonning rasmiy vakili Piter Kuk AQSh Yaman qirg‘oqlarida "Meyson" esminetsiga raketa zarbasi berilganiga javob qaytarilishi haqida ma'lum qilgandi.
Shu kuni "Meyson" va uni qo‘riqlayotgan "Pons" kemasiga raketalar orqali zarbalar berilgani haqida xabar qilingandi. Zarbalar aniq bo‘lmagan, talofat ko‘rilmagan.
10 oktabr kuni ham Qizil dengiz suvlarida bo‘lgan "Meyson"ga qarata raketa uchirilgandi.
Bu hujumlar husiychilar nazoratida bo‘lgan hududlardan turib amalga oshirilgani qayd etilgan. O‘z navbatida husiychilar bu hujumga aloqador emasliklarini ta'kidlashgan.
Mavzuga oid
14:51 / 03.09.2024
Husiychilar Qizil dengizda ikkita neft tankeriga hujum qildi
11:01 / 26.08.2024
AQSh: Qizil dengiz husiychilar hujumlari tufayli falokat yoqasida turibdi
08:11 / 14.08.2024
BMT husiychilar qo‘lga olgan xodimlarini ozod etishni talab qilmoqda
08:23 / 05.08.2024