Rossiya Halabda “gumanitar tanaffus”ni bir kunga uzaytirdi

Foto: Reuters

Rossiya mudofaa vaziri Sergey Shoygu Halabdagi gumanitar tanaffus nomini olgan o‘t ochmaslik borasidagi rejim bir sutkaga uzaytirilgani haqida ma'lum qildi.

Shoyguning so‘zlariga ko‘ra, mazkur qaror prezident Putin tomonidan qabul qilingan va Suriya rahbariyati tomonidan tasdiqlangan.

Halabdagi "Gumanitar tanaffus" 20 oktabrning tonggi soat sakkizida boshlangan va mahalliy vaqt bilan 19:00ga qadar davom etishi kerak.
BMTning ma'lum qilishicha, shahardagi tinch aholi vakillarini ko‘chirish uchun 12 soat vaqt talab etiladi.

Avvalroq Rossiya BMTni Halabda uch kun ichida sutkasiga 11 soatdan hech qanday bombardimonlar bo‘lmasligi haqida xabardor qilgan edi.

#Halab #gumanitar tanaffus

Suriyada 2011 yilda boshlangan fuqarolar urushi mamlakatni bir necha qismlarga bo‘lib tashlagan. Suriya hukumati, IShID, kurdlar va boshqa turli jangari guruhlar o‘rtasidagi qurolli to‘qnashuvlar hamon davom etmoqda.