Qoʻshimcha funksionallar
-
Tungi ko‘rinish
Kerri: Suriya muammosini hal qilish hayotimdagi eng murakkab vazifa
Foto: AFP
AQSh davlat kotibi Jon Kerrining iqror bo‘lishicha, Suriyadagi harbiy mojaroga barham berish vazifasi umri davomida duch kelgan eng mushkul diplomatik muammodir, deb xabar qilmoqda «Interfaks» agentligi.
Bu haqda siyosatchi xalqaro munosabatlar bo‘yicha Chikago kengashida qilgan ma'ruzasida so‘z yuritgan. Shu bilan birga, Kerri muammoni hal qilish chorasi topilishiga umid bildirgan.
«Ishonamanki, alaloqibat, Ikkinchi jahon urushidan keyingi eng og‘ir gumanitar inqirozning yechimini topamiz. Uni qochqinlarga pul berish bilan hal etib bo‘lmaydi», — deya ta'kidlagan Kerri.
Kerri, shuningdek, «qochqinlar oqimini to‘xtatish lozimligini, urushga nuqta qo‘yish kerakligini» qo‘shimcha qilgan.
«Bu men duch kelayotgan eng murakkab diplomatik vazifadir», — deya xulosa qilgan Kerri.
Avvalroq, Jon Kerri, Suriya mojarosini Rossiya va Eron ishtirokisiz hal etib bo‘lmasligini aytgandi.
Mavzuga oid
14:58
YeI Rossiyaning «soyadagi floti»ga qarshi yangi sanksiyalar paketini taklif qiladi
13:09
Migrantlar allaqachon Rossiyadan boshqa tomonga qaramoqda – rossiyalik gubernator
12:48
Bokudagi deputat: Rossiya samolyot halokati uchun uzr so‘rashi kerak
10:31