Hindistonda film suratga olish vaqtida ikki aktyor halok bo‘ldi
Hindistonning Karnataka shtatida film suratga olish vaqtida ikki aktyor halok bo‘ldi, deb xabar bermoqda NDTV telekanali.
Voqea 7 noyabrda "Mastigudi" (Masthigudi) filmini suratga olish maydonchasida asosiy sahnalardan birining olinishi vaqtida yuz berdi. Bu sahnada film qahramonlarining vertolyotdan suv omboriga sakrashlari suratga olinishi kerak bo‘lgan. Suratga olish ishlari Bangalordan 35 km uzoqlikda joylashgan suv omborida o‘tayotgan bo‘lgan.
Aktyor Dunya Vidjay ijrosidagi film bosh qahramoni ikki nafar salbiy qahramonni ta'qib qiladi. Ma'lum qilinishicha, aktyorlarning ismi Anil va Uday bo‘lgan (ularning familiyalari keltirilmagan). Salbiy qahramonlar vertolyotga chiqishadi, u suv ombori uzra uchadi, so‘ngra vertolyot bortida bosh qahramon bilan uning raqiblari orasida olishuv bo‘ladi va oxir-oqibat ularning barchasi suvga sakraydilar.
Telekanal tomonidan namoyish qilingan lavhalarda suvga sakraganlardan faqatgina aktyor Dunya Vidjay suv sirtiga suzib chiqa olganini ko‘rish mumkin. Qolgan ikki aktyor bedarak yo‘qolgan. Ayni vaqtda ularni qidirish ishlari olib borilmoqda.
India Today telekanali ma'lumotlariga ko‘ra, aktyorlardan biri – Uday suratga olish vaqtida suzishni yaxshi bilmasligini, biroq film uchun tavakkal qilishini aytgan.
Mavzuga oid
09:50 / 21.09.2024
Hindiston O‘zbekistonda elektromobillar uchun akkumulyatorlar ishlab chiqarishi mumkin
17:32 / 20.09.2024
Rossiya armiyasiga aldov yo‘li bilan jalb qilingan va urushga yuborilgan o‘nlab hindistonliklar vataniga qaytdi
22:24 / 19.09.2024
Samsung’ning Hindistondagi zavodi xodimlari ish tashlash e’lon qildi
01:33 / 14.09.2024