Hayvonlar orasida eng tez uchuvchi jonivor nomi o‘zgardi
Maks Plank nemis jamiyatining Ornitologiya Instituti olimlari o‘tkazgan yangi tadqiqot natijalariga ko‘ra, hayvonlar orasida eng tez uchuvchilar maqomi qushlarga emas, balki sut emizuvchilarga tegishlidir.
Bundan avval, gorizontal parvozda tez uchish rekordi qushlarga tegishli deb hisoblab kelinardi. Aniqrog‘i, qora moyxo‘rak (chumchuqsimonlar oilasi vakili)ning tezligi soatiga 110 kmni tashkil etadi. Bu raqam 1950 yillarda aniqlangan. Biroq, amerikalik hamkorlar bilan birgalikda tadqiqot o‘tkazgan germaniyaliklar ajoyib aerodinamika va boshqa qushlarga qaraganda birmuncha uzunroq qanotga ega bo‘lgan Braziliya ko‘rshapalagi gorizontaliga soatiga 160 kilometrgacha parvoz qila olishini aniqlaganlar.
Uning tezligini aniqlash maqsadida ornitologlar ko‘rshapalaklarga radiosignallarni uzatuvchi mitti qurilmalarni o‘rnatishgan va signallar maxsus dronlar yordamida qabul qilingan.
«Dastlab biz ishona olmadik: ba'zan ko‘rshapalaklarning 11-12 gramm keladigan urg‘ochisi soatiga 160 km tezlikda parvoz qildi. Bu gorizontal parvozdagi yangi rekord edi», — deb izohlagan tadqiqot hammuallifi Kamron Safi.
Mavzuga oid
22:58 / 17.09.2024
Germaniyalik olimlar surunkali og‘riqni yengishga yordam beradigan yangi usulni aniqladi
15:29 / 17.09.2024
Odamlarda dorilarga chidamli bakteriyalardan o‘lim darajasi ortadi – tadqiqot
15:20 / 17.09.2024
Yaponiyalik ayol dunyodagi eng keksa odam deb topildi
15:18 / 17.09.2024