Dunyodagi eng keksa styuardessa topildi
Bett Nesh deyarli 60 yil davomida styuardessa bo‘lib ishlaydi. American Airlines’da ishlovchi 80-yoshli xodimning hayotiga CNN e'tibor qaratgan. Telekanalning ta'kidlashicha, ayolni dunyodagi eng keksa styuardessa deb aytish mumkin.
Neshning so‘zlariga ko‘ra, o‘smirlik davridayoq shu ish bilan shug‘ullanishni orzu qilgan. U ayni damda yo‘q bo‘lgan Amerikaning Eastern Airlines aviakompaniyasiga 1957 yilning 4 noyabr kuni ishga kirgan.
Ayolning xotirlashicha, o‘sha davrlarda havo sayohatlari juda ham dabdabali bo‘lib, yo‘lovchilarga to‘laqonli tushlik berilgan. Shu bilan bir qatorda, styuardessalarga qiyin bo‘lgan – ular ancha og‘ir bo‘lgan patnislarni olib yurishga majbur bo‘lishgan, deb ta'kidlaydi Nesh.
Ayolning so‘zlariga qaraganda, bugun faoliyatning bu turi fuqaro aviatsiyasidagi boshqa sohalar singari biroz osonlashgan. Neshning aytishicha, o‘sha paytlarda reyslar haqidagi ma'lumot doskalarda bo‘r bilan yozib qo‘yilgan. Ayol hali-hamon o‘z ishi va yo‘lovchilarni yaxshi ko‘rishini tan oldi.
Mavzuga oid
20:47 / 21.09.2024
Norvegiyadan Ispaniyaga uchgan samolyot sichqon sabab avariyaviy qo‘nishni amalga oshirdi
18:55 / 14.09.2024
AQShda vodorodda harakatlanadigan noyob samolyot taqdim etildi
01:19 / 07.09.2024
Germaniya aviareyslarni kechiktirish va bekor qilish soni bo‘yicha yetakchiga aylandi
18:23 / 06.09.2024