Janubiy Sudanda falokatga uchragan samolyotdagi barcha odamlar tirik qolganlar
Janubiy Sudanda falokatga uchragan samolyotning barcha yo‘lovchilari va ekipaj a'zolari tirik qoldilar, deb xabar bermoqda voqea yuz bergan Vau shahri aeroporti vakiliga iqtibos keltirgan holda "Assoshieyted Press" axborot agentligi.
Avvalroq bir qator OAV samolyotdagi barcha 44 kishi halok bo‘lganini taxmin qilgan. "Frans Press" axborot agentligining ma'lum qilishicha, falokat oqibatida 14 kishi jarohat olgan. Ular shifoxonaga yetkazilganlar.
Aeroport boshqaruvchisi Stiven Yungule samolyot qo‘nish polosasiga tegib, so‘ngra yerga urilib, yonishidan oldin bir sakrab ketganini aytgan. Bunda samolyot eshiklari ochiq holda bo‘lgan va bu qutqaruvchilarga barcha odamlarni tezlikda qutqarishga imkon bergan.
Falokatga uchragan samolyot South Supreme Airlines aviakompaniyasiga tegishli bo‘lgan va Vauga Janubiy Sudan poytaxti Jubadan kelayotgan bo‘lgan. Samolyot bortida ikki xorijlik – xitoylik va Eritreya fuqarosi bo‘lgan.
Mavzuga oid
20:47 / 21.09.2024
Norvegiyadan Ispaniyaga uchgan samolyot sichqon sabab avariyaviy qo‘nishni amalga oshirdi
18:55 / 14.09.2024
AQShda vodorodda harakatlanadigan noyob samolyot taqdim etildi
21:38 / 05.09.2024
AQSh Dominikanda Maduroga tegishli ikkinchi samolyotni aniqladi
20:50 / 23.08.2024