Uzbek Tigers vs China Dragons: Janglardagi eng qiziqarli vaziyatlar

2017 yil 18 mart kuni «O‘zbekiston» sport majmuasida katta boks kechasi bo‘lib o‘tgani haqida ma'lum qilgan edik. The World Series Boxing (WSB) – Butunjahon Boks Seriyasining VII fasl to‘rtinchi bosqichidan o‘rin olgan uchrashuvda Uzbek Tigers («O‘zbek yo‘lbarslari») va China Dragons («Xitoy ajdarlari») jamoalari o‘zaro kuch sinashdi. Unda 52, 60, 69, 81 va +91 kg vazn toifasidagi bokschilar ringga ko‘tarilishdi. O‘zbekistonlik bokschilar raqiblariga hech qanday imkon qoldirishmadi. Uzbek Tigers hakamlarning yakdil qarorlariga ko‘ra, China Dragons jamoasini 5-0 hisobida mag‘lub etdi. Quyida ushbu janglardagi eng muhim vaziyatlarni e'tiboringizga havola etamiz.