Qarishga qarshi preparat muvaffaqiyatli sinovdan o‘tkazildi
Niderlandiyadagi Erazm Rotterdamskiy nomidagi universitetning tibbiy markaz olimlari sichqonlarda qarishga qarshi preparatni muvaffaqiyatli sinovdan o‘tkazishdi. Bu haqida Cell jurnali xabar berdi.
Insonning yoshi o‘tgani sayin to‘qimalarda qariyotgan hujayralar yig‘ilib qoladi. Olimlarning fikricha, ular artrit va diabet kabi kasalliklarning rivojlanishiga turtki berar ekan. Niderlandiyaliklar tomonidan ishlab chiqilgan "yoshlik eliksiri" ana shu hujayralarni yo‘q qiladi, bu esa qarish jarayonini to‘xtatish imkonini beradi. Qariyotgan hujayralarni o‘z-o‘zini yo‘q qilishga undovchi peptid preparat tarkibiga kiradi.
Preparat qariyotgan sichqonlarda sinalganidan keyin ularning jismoniy chidamliligi oshgan - tadqiqotchilar kemiruvchilar ko‘p vaqtlarini "g‘ildirak"da harakatlanib o‘tkazganini ta'kidlashdi. Bundan tashqari, "yoshlik eliksiri"ni qabul qilgan jonivorlar sinov vaqtida bosib o‘tgan masofa deyarli ikki barobarga oshgan.
Olimlar shuningdek sichqonlarning ichki organlari faoliyati yaxshilanganini ham qayd etishdi.
Tadqiqot mualliflari mazkur preparat saraton bilan kurashda samarali bo‘lishi mumkinligini aytishmoqda. Keyingi bosqichda yangi preparat insonlarda sinab ko‘riladi.
Mavzuga oid
22:58 / 17.09.2024
Germaniyalik olimlar surunkali og‘riqni yengishga yordam beradigan yangi usulni aniqladi
15:29 / 17.09.2024
Odamlarda dorilarga chidamli bakteriyalardan o‘lim darajasi ortadi – tadqiqot
15:18 / 17.09.2024
Nima uchun hozirgina o‘ylagan narsamizni unutib qo‘yamiz?
23:21 / 16.09.2024