Ramos Pikega jamoasining «PSJ» bilan o‘yinini qayta ko‘rib chiqishni tavsiya qildi
«Real» jamoasi himoyachisi Serxio Ramos YeChLning chorak finalida «Bavariya»ga qarshi kechgan va 4:2 hisobidagi g‘alaba qayd etilgan uchrashuvdan keyingi fikrlari bilan o‘rtoqlashdi. Madridliklar ikki uchrashuv natijasiga ko‘ra ustun kelib, yarim finalga chiqdi.
«Final haqida gapirishga hali erta - biz faqat yarim finalga chiqdik. Biz «Bavariya»ni - eng kuchli raqobatchilarimizdan birini chiqarib yuborganimizdan xursandmiz.
Chempionlar ligasida 100ta o‘yin o‘tkazish - chiroyli raqam. Umid qilamanki, «Real»da hali ko‘p yillar o‘ynayman.
Pikening reaksiyasi? U avval «PSJ» bilan o‘yinni qayta tomosha qilsin. Balki, shunda u hakamlar haqida fikrini o‘zgartirar? Keling, «Barselona»ning «Yuventus» bilan javob uchrashuvini tomosha qilamiz va nima bo‘lishini kuzatamiz. Ammo men videotakrorlarga qarshi emasman», - deya Ramosning so‘zlarini keltirgan Marca.
Bundan oldinroq «Barselona» himoyachisi Xerard Pike «Real» — «Bavariya» uchrashuvidagi hakamning harakatlaridan noroziligini tvitterda uch nuqta qo‘yish orqali ifodalagani xabar qilingandi.
Chempionlar ligasining nimchorak finali doirasida «Barselona» va «PSJ» jamoalari o‘rtasida kechgan javob uchrashuvi kataloniyaliklarning 6:1 hisobidagi g‘alabasi bilan yakunlangandi. Jamoalarning Parijda kechgan birinchi uchrashuvida esa mezbonlarning 4:0 hisobidagi g‘alabasi qayd etilgandi. Javob uchrashvidan keyin ko‘pchilik ushbu uchrashuvda harakat qilgan hakamlar brigadasiga noroziliklarini bildirgandi.
Mavzuga oid
12:28 / 19.09.2024
«Siti» gol urolmadi, «PSJ»ga kulgili gol yordam berdi. YeChLda kun o‘yinlari
23:48 / 10.05.2024
«7 yillik faoliyatimdan keyin menga yangi chaqiruv kerak». Mbappe «PSJ»ni tark etishini rasman e’lon qildi
16:27 / 15.03.2024
YeChL chorakfinal va yarimfinaliga qur’a tashlandi
19:44 / 04.02.2024