Rossiya va Tojikiston aviaparvozlar masalasi bo‘yicha kelishib oldi
Rossiya va Tojikistonning aviatsiya sohasidagi mas'ullari Moskvada o‘tgan muzokaralar natijalariga ko‘ra, ikki davlat o‘rtasidagi aviaaloqa masalalari bo‘yicha kelishib oldilar. Bu haqda RIA “Novosti” axborot agentligiga Rossiya transport vazirligi matbuot xizmatida ma'lum qilindi.
"Tojikiston va Rossiya maslahatlashuvlar natijasida ikki davlat o‘rtasidagi aviaaloqaga taalluqli bahsli masalalarni hal qilishdi va o‘zaro manfaatli hamkorlikni davom ettirishga kelishib olishdi", deb aytildi xabarda.
Rossiya 3 apreldan Tojikistonning "Somon Eyr" aviakompaniyasiga Dushanbe va Xo‘janddan parvozlarni haftasiga, mos ravishda, 4 ta va 3 ta reys bilan cheklab qo‘ygandi. Ma'lum qilinishicha, bu chora Tojikiston Moskva viloyatidagi "Jukovskiy" aeroportidan Rossiyaning "Yamal" aviakompaniyasining Tojikistonga parvozlarni amalga oshirish arizasi bo‘yicha kelishuvni rad etganiga javob bo‘lgan.
Rossiya tomoni ma'lumotlariga ko‘ra, "Yamal" avvalboshdan Dushanbega 4 ta reys va Xo‘jandga 3 ta reys amalga oshirish uchun ariza bergan. Biroq Tojikiston erishilgan kelishuvlarga zid ravishda "Yamal"ning bu yo‘nalishlar uchun arizasini to‘liq tasdiqlamagan. Dushanbeda ta'kidlanishicha, "Yamal" kelishuvlarga ko‘ra Dushanbe va Xo‘jandga haftasiga 2 tadan reys amalga oshirishi kerak bo‘lgan.
Mavzuga oid
09:30
Rossiya kompaniyasi O‘zbekiston fuqarolarini qonuniy tarzda ish bilan ta’minlash taklifini bildirdi
21:12 / 22.09.2024
Pokistonda Rossiya elchisi kortejidagi avtomobil mina bilan portlatildi
20:07 / 22.09.2024
Zelenskiy Rossiya bilan muzokaralar bo‘yicha pozitsiyasini nega o‘zgartirganini tushuntirdi
18:47 / 22.09.2024