OAV: Tramp maxfiy ma'lumotlarni oshkor qilgan jurnalistlarni qamoqqa olishni taklif qilgan
Fevral oyida AQSh prezidenti Donald Tramp Federal qidiruvlar byurosining o‘shandagi rahbari, endilikda bu lavozimdan chetlatilgan Jyeyms Komi bilan uchrashganda jurnalistlarni maxfiy ma'lumotlarni oshkor qilganliklari uchun qamoqqa olish imkoniyatini ko‘rib chiqishni taklif qilgan, deb yozmoqda The New York Times nashri.
Nashrga Komining hamkasblaridan birining aytishicha, Tramp milliy xavfsizlik sohasidagi yetakchi amaldorlar bilan uchrashuv o‘tkazgan. Suhbat tugagach, prezident Komidan tashqari hammani qo‘yib yuborgan. Tramp Komi bilan yakkama-yakka suhbatda OAVda maxfiy axborotning sizib chiqqanini keskin qoralagan va shu sababli Komiga jurnalistlarni maxfiy axborotni oshkor qilganlik uchun qamoqqa olishni taklif qilgan.
Shundan keyin Tramp Komidan milliy xavfsizlik bo‘yicha sobiq maslahatchisi Maykl Flinnga nisbatan tergovni to‘xtatishni so‘ragan.
Biroq Oq uy bu axborotni rad etmoqda.
Mavzuga oid
22:56 / 19.01.2024
Qirg‘izistonda jurnalistlarga qarshi reyd. Bu haqda nimalar ma’lum?
18:53 / 20.01.2023
To‘qayev Qozog‘istonda jurnalistlarga uyushtirilgan qator hujumlarni chuqur o‘rganishni topshirdi
23:11 / 14.12.2022
2022 yilda dunyoda rekord darajada ko‘p jurnalist hibsga olindi
22:14 / 23.09.2021