Manchesterda Salmon Obidiy tayyorlagan boshqa bombalar ham bo‘lishi mumkin
Manchesterdagi terakt ijrochisi Salmon Obidiy ikkinchi bombani tayyorlagan va bu bomba ayni vaqtda uning sheriklarida bo‘lishi mumkin. Bu haqda The Telegraph xabar yozdi.
Politsiya Obidiyning Manchesterdagi kvartirasida tintuv o‘tkazganida portlovchi qurilmalar tayyorlangan laboratoriyani aniqlagan.
Xavfsizlik xizmatidagi manbaning so‘zlariga ko‘ra, terrorchi bombalarni mustaqil ravishda tayyorlagan.
«Biz shundan xavfsiramoqdamizki, unda ikkinchi va uchinchi bombalarni ham tayyorlash uchun vositalar bo‘lgan. U boshqa bombalar tayyorlagani va sheriklariga yetkazgani ehtimolini istisno eta olmaymiz», — degan u.
Bundan oldinroq Salmon Obidiy Manchesterdagi hujumga kamida bir yil davomida tayyorgarlik ko‘rgani haqida ma'lum qilingandi.
22 may kuni Manchester Arena kompleksida Ariana Grandening konserti vaqtida terakt sodir bo‘ldi. Portlashni xudkush Salmon Obidiy amalga oshirdi. So‘nggi ma'lumotlarga ko‘ra, 22 kishi halok bo‘ldi, jumladan 12 bola ham. Kasalxonada qolayotgan 75 kishidan 23 kishining ahvoli og‘ir. Bir necha kishi izsiz yo‘qolgan. Hodisa uchun javobgarlikni IShID terrorchilik guruhi o‘z zimmasiga oldi.
Mavzuga oid
17:58 / 11.09.2024
AQSh tarixidagi eng yirik terakt - 11 sentabr voqealarini aks ettirgan suratlar
09:15 / 10.09.2024
Belgiya: chechenistonlik shaxs teraktga tayyorgarlik ko‘rgani uchun 15 yilga qamaldi
19:40 / 01.09.2024
Beslan, 2004 yil 1 sentabr. 20 yil muqaddam Rossiya tarixidagi eng qo‘rqinchli terakt ro‘y bergandi
09:20 / 05.08.2024