Nestle AQShdagi 3 mlrd dollarlik biznesini sotib yubormoqchi
Dunyodagi oziq-ovqat mahsulotlari bo‘yicha eng yirik ishlab chiqaruvchilardan biri, Shveytsariyaning Nestle SA Amerikadagi qandolat mahsulotlari ishlab chiqarish bo‘yicha biznesini sotib yuborish variantini ko‘rib chiqmoqda. Bu haqda kompaniya matbuot relizida aytiladi.
Xabarda aniqlik kiritilishicha, Nestle rahbariyati tomonidan biznes istiqbollarini baholash bo‘yicha olib borilayotgan ishlar faqatgina AQSh bozoriga tegishli, hamda kutilishicha, bu jarayon joriy yilning oxiriga qadar yakuniga yetkaziladi.
Shuningdek, MarketWatch’ning xabar berishicha, ekspertlar kompaniyaning AQShdagi qandolatchilik biznesi qiymatini 3 mlrd. dollarga baholashgan.
«Nestle AQShdagi biznesga investitsiya kiritishda davom etadi. Kompaniya bu mamlakatda qator mahsulotlar bo‘yicha yetakchi pozitsiyalarda turadi. Ular orasida – hayvonlar uchun mahsulotlar, ichimlik suvi, muzlatilgan oziq-ovqat mahsulotlari, bolalar ovqati va muzqaymoq», - deya ta'kidlanadi Nestle matbuot relizida.
2016 yilda Nestle’ning qandolat mahsulotlari ishlab chiqarish bo‘yicha Amerika bo‘linmasi daromadi 922 mln. dollarni tashkil etdi. Bu kompaniyaning AQShdagi barcha sotuvlarining taxminan 3 foiziga teng.
Mavzuga oid
23:13 / 21.09.2024
Harris saylov kampaniyasida Trampdan uch barobar ko‘p mablag‘ to‘pladi - OAV
20:40 / 21.09.2024
Shimoliy Koreyaga qochib o‘tgan amerikalik askar sharmandalarcha armiyadan haydalgani ma’lum bo‘ldi
17:10 / 21.09.2024
AQShda “politsiyachi” robot jinoyatchini tutib berdi
16:27 / 21.09.2024