Vazirlar mahkamasidagi o‘zgarishlar Yaponiya hukumati reytingini ko‘tardi
Yaponiya bosh vaziri Sindzo Abe hukumatini qo‘llab-quvvatlash reytingi Vazirlar mahkamasi tarkibidagi o‘zgarishlardan so‘ng o‘sdi. Mamlakatning yetakchi nashrlari tomonidan o‘tkazilgan so‘rovlar natijasi shundan dalolat qilmoqda.
Ayni vaqtda Abe hukumatini qo‘llab-quvvatlash darajasi 35-42 foizgacha ko‘tarildi. Hukumat tarkibidagi o‘zgarishlar 3 avgustda amalga oshirilgan edi.
Mainichi nashriga ko‘ra, hukumat reytingi iyul oyidagi so‘rov natijasidan 9 foizga o‘sib 35 foizni tashkil etgan.
Bunda Nikkei nashri ko‘rsatkichi 3 punktga ko‘tarilib, 42 foizni tashkil etmoqda.
Yomiuri gazetasi o‘tkazgan ijtimoiy so‘rov ham 6 punktga o‘sish kuzatilgani va aholining 42 foizi Vazirlar mahkamasini qo‘llab-quvvatlayotganini ko‘rsatmoqda.
Biroq Nikkei nashrining yozishicha, bu baribir Abe hukumati uchun yetarli emas. Bu raqamlar bosh vazir Abe, uning vazirlari va Yaponiya liberal-demokratik partiyaga ishonchsizlik katta ekanini ko‘rsatadi.
3 avgust kuni Abe hukumat tarkibida keskin o‘zgarishlarni amalga oshirib, 19 nafar yangi vazirni tayinlagan edi.
Mavzuga oid
21:07 / 20.09.2024
Osiyoda NATOning o‘xshashi tashkil etilishi mumkin
12:00 / 16.09.2024
76-«Emmi» marosimi Yaponiyaning triumfi bilan tugadi
21:22 / 12.09.2024
Toyota Prius yoqilg‘i sarfi bo‘yicha yangi rekord o‘rnatdi
11:35 / 11.09.2024