O‘zbekiston-Rossiya tekstil mahsulotlar bo‘yicha savdo hajmi 700 million dollarga yetishi kutilmoqda

2018 yilda O‘zbekiston-Rossiya tekstil mahsulotlar bo‘yicha savdo hajmi 700 million dollarga yetishi mumkin. 3 oktabr kuni poytaxtda bo‘lib o‘tgan O‘zbekiston-Rossiya biznes-forumida tashqi iqtisodiyot vaziri Elyor G‘aniyev shu haqida ma'lum qildi.  

"O‘zbekiston va Rossiya o‘rtasida tekstil mahsulotlarini yetkazish bo‘yicha "yashil yo‘lak" joriy qilinadi. Shu yilning o‘zidayoq O‘zbekistondan Rossiyaga yetkaziladigan tekstil mahsulotlari hajmi 22 foizga oshdi. Bu sohada ham salohiyat juda yuqori. 

Gap sanoat korporatsiyasi, Rossiya korxonalarida o‘zbek iplaridan foydalanish, tayyor tekstil mahsulotlari, trikotaj va paxta matolarni yetkazib berish haqida bormoqda. 

Kelgusi yilda tekstil mahsulotlar bo‘yicha savdo hajmi 700 million dollarga yetishi mumkin. Men mutlaqo real raqamlarni keltirmoqdaman", - deya ta'kidladi Elyor G‘aniyev.