Apple bir chorakda 10,7 mlrd dollar miqdorida foyda ko‘rdi
Amerikaning yuqori texnologiyali elektronika mahsulotlari ishlab chiqarishga ixtisoslashgan Apple koproratsiyasi joriy yil uchinchi choragi natijasiga ko‘ra, 10,7 mlrd dollar miqdorida sof daromad ko‘rganini ma'lum qildi. Bu har bir aksiya 2,07 dollar daromad keltirganini anglatadi. Kompaniyaning moliyaviy hisobotida shu haqda so‘z yuritilgan.
Hisobotga binoan, o‘tgan yilning hisobot davrida 9 mlrd dollarga yaqin foyda ko‘rilgan. Apple sof pul tushumi uch oyda 12,2 foizga o‘sib, 52,6 mlrd dollarni tashkil etgan. Shundan 28,8 mlrd dollari, ya'ni 55 foizga yaqini iPhone smartfonlari savdosidan tushgan.
Ekspertlar umumiy tushumni 50,7 mlrd dollardan oshmasligini taxmin qilishgan edi. Ammo Apple kelasi chorakda yangi yil bayramlari munosabati bilan yuqori savdo kuzatilishini va korporatsiya tushumi 84-87 mlrd dollar atrofida bo‘lishini taxmin qilmoqda.
O‘tgan chorakda jami 46,7 mln dona iPhone smartfonlari sotilgan. Bu borada ham tahlilchilar taxminidan o‘zib ketilgan. Apple 3 noyabrdan yangi iPhone X telefonini sotishni boshlaydi.
Mavzuga oid
18:01 / 14.10.2024
Aqlli ko‘zoynak va kamerali AirPods: yaqin yillarda Apple’dan qanday mahsulotlarni kutish mumkin?
19:46 / 11.10.2024
Xitoyda iPhone ishlab chiqaruvchi zavod xodimlari hibsga olindi
20:57 / 07.10.2024
Apple yangi qurilmalarni har yili chiqarishni to‘xtatadi - OAV
21:11 / 05.10.2024