Qozog‘istondagi "Halol" mahsulotlarda cho‘chqa DNKsi topildi
Rossiyada ishlab chiqilgan go‘sht konserva mahsulotlarida cho‘chqa DNKsi aniqlandi. Bu haqda Qozog‘iston sog‘liqni saqlash vazirligi ma'lum qildi.
Qozog‘iston sog‘liqni saqlash vazirligining jamoat sog‘lig‘ini himoya qilish qo‘mitasi talabga javob bermaydigan «noto‘g‘ri» konserva va mahsulotlarni aniqlash maqsadida yil boshidan beri 36 ming nomdagi oziq-ovqat mahsulotlari va xalq iste'moli mollarini xarid qilgan. Qozog‘istonning 11 ta ishlab chiqaruvchisi mahsulotida, garchi “Halol” tamg‘asi bo‘lsa-da, cho‘chqa DNKsi aniqlangan. Shuningdek, cho‘chqa genlari Rossiyada ishlab chiqilgan mahsulotlarda ham topilgan. Xususan, «BRT» MChJ tomonidan ishlab chiqilgan 3 turdagi go‘shtli konserva mahsulotlarida cho‘chqa go‘shti borligi ma'lum bo‘lgan. «Oryolprodukt» OAJ va «Yoshkar-Olinskiy myasokombinat» YoAJlariga ham jarima solingan.
«Bu shuni anglatadiki, ishlab chiqaruvchilar mahsulotlarni ishlab chiqarish texnologiyasini qo‘pol ravishda buzadi, ular mol go‘shti va cho‘chqa go‘shtidan mahsulotlarni ishlab chiqishda bitta liniyadan foydalanishadi. Uskunalarni yetarli darajada tozalamaydi, ishlab chiqarish nazoratini jiddiy yo‘lga qo‘ymaydi, xom ashyoning yonma-yon oqimiga ruxsat beradi», - deyiladi vazirlik xabarida.
Mavzuga oid
14:28 / 02.10.2024
Islohotlarni hayotga tatbiq etish uchun prezidentga 7 yil muddat yetarli - To‘qayev
22:02 / 01.10.2024
Qozog‘iston Xitoyga gaz yetkazib berishni ko‘paytirish uchun yana bir gaz quvuri qurmoqchi
12:50 / 30.09.2024
Qozog‘iston o‘zbek etnomadaniy birlashmalari uyushmasi raisi «Do‘stlik» ordeni bilan taqdirlandi
22:16 / 27.09.2024