Pensilvaniya universitetida otishma, qurbonlar bor
AQShning Pensilvaniya shtati universiteti hududida ro‘y bergan otishma oqibatida ikki kishi halok bo‘ldi, deb xabar bermoqda Triblive portali tezkor xizmat xodimiga tayangan holda.
Hodisa ovqatlanish joyi yonidagi Beaver kampusida mahalliy vaqt bilan soat 15:41da ro‘y bergan. Kampus saytida u yopiq ekani xabar berilmoqda.
Universitet ma'muriyatining Facebook’dagi o‘z sahifasida ma'lum qilishicha, talabalar otishma natijasida jabrlanmagan. WGAL telekanalining politsiyaga tayangan holda xabar berishicha, otishmani universitetda ishlagan ayollardan birining turmush o‘rtog‘i sodir etgan. U ayolni o‘ldirgan, so‘ng o‘z joniga qasd qilgani aytilmoqda.
Voqea joyida politsiya xodimlari ishlashmoqda, talabalardan fud-kort va talabalar ittifoqi binosi joylashgan yerga yaqinlashmaslik so‘ralgan.
Eslatib o‘tamiz, oktabr oyi oxirlarida Solt-Leyk-Sitidagi Yuta Universiteti kampusida ham otishma ro‘y bergan bo‘lib, o‘shanda bir kishi halok bo‘lgandi.
Mavzuga oid
11:50 / 20.09.2024
Wildberries ofisidagi otishmada ishtirok etganlar tergov izolyatoriga jo‘natildi
10:28 / 20.09.2024
AQShda sherif sudyani otib o‘ldirdi
12:40 / 19.09.2024
Wildberries ofisida sodir bo‘lgan otishma oqibatida ikki kishi halok bo‘ldi
08:40 / 16.09.2024