Ulug‘nor tumaniga yangi hokim tayinlandi
Andijon viloyati, Ulug‘nor tumani hokimligida xalq depuputatlari tuman Kengashining navbatdan tashqari sessiyasi bo‘lib o‘tdi. Bu haqda Kun.uz muxbiri xabar bermoqda.
Yig‘ilishda Oliy Majlis Senati a'zosi, Andijon viloyati hokimi Shuhratbek Abdurahmonov ishtirok etdi. Sessiyada tashkiliy masala ko‘rib chiqildi. Jumladan, Doniyor To‘ychiyevich Maxsudov tumanga hokim etib tayinlandi.
Doniyor Maxsudov shu vaqtgacha Andijon viloyatining Buloqboshi tumaniga hokimlik qilib kelayotgandi. U yangi lavozimda oktabr oyida vafot etgan Asilbek Yusupov o‘rnida ish boshlaydi.
Buloqboshi tumaniga ham bugun yangi hokim tayinlanadi.
Doniyor Maxsudov 1976 yil 11 aprelda Andijon viloyati Baliqchi tumanida tug‘ilgan, 1998 yilda Andijon muhandislik iqtisodiyot institutini (sirtqi), 2010 yilda O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan. Ma'lumoti bo‘yicha mutaxassisligi - iqtisodchi. 1990 yildan 2011 yilgacha Ulug‘nor tumanida turli lavozimlarda mehnat qilib kelgan Maxsudov 2011 yildan buyon Buloqboshi tumaniga hokimlik qilib kelayotgandi.
Mavzuga oid
19:17 / 30.09.2024
Bunaqada sohada kim qoladi? Yangibozor hokimi misolida dehqonlarga munosabat
16:56 / 25.09.2024
Bahodir G‘oyibnazarov hokimlikka qaytdi
18:30 / 20.09.2024
Hokim va mahalliy Kengash raisi lavozimlari bir-biridan ajratildi
21:23 / 19.09.2024