Sirdaryo viloyati hokimi elektr energiyasi ta'minotidagi uzilishlar sababini aytdi
KUN.UZ tahririyati Sirdaryo viloyatiga tashrif buyurib, viloyat hokimi G‘ofur Mirzayev bilan ochiq muloqot o‘tkazdi. Hokim elektr energiyasi ta'minoti bo‘yicha olib borilayotgan ishlar haqida ma'lumot berdi.
“Gaz bo‘lmaganidan keyin elektr energiyasini ikki barobar hajmda iste'mol qilish boshlanadi. Agarda biz gaz, ko‘mir bilan ta'minlay olmasak, unda hamma yuklama elektr energiyasiga tushadi. Qaysi tumanga borsam, birinchi bo‘lib o‘tgan yili qancha o‘chgani bilan qiziqaman. Bu bo‘yicha muammolarimiz bor. Prezidentimiz bizga juda katta imkoniyat yaratib beryapti. Agarda shu ish amalga oshsa, Sirdaryoda muammo bo‘lmaydi. Birinchi navbatda, Shirinda respublikaning 25 foizini ta'minlaydigan elektrstansiya bor. Hozirda rossiyaliklar bilan birgalikda uning rekonstruksiya ishlari ketmoqda. U yerda 4 ta blok bor, hozirda 2 tasi ta'mirlanmoqda. Shunda ham sifat yaxshilanadi, ham uzilishlar kamayadi.
Ikkinchisi, Sardoba suv omborida Xitoy texnologiyasi asosida kichik gidroelektrstansiya ham quriladi. Hozir lekin muammolar bor, uzilishlar bo‘lyapti. Ko‘p ulanganidan keyin yuklama kuchaymoqda, transformatorlarga og‘irlik tushyapti. Bu bo‘yicha ham ishlayapmiz”, - dedi G‘.Mirzayev.
Mavzuga oid
18:31 / 23.09.2024
Qozog‘iston va O‘zbekiston Sirdaryoda 10 ta gidropost tashkil qiladi
10:00 / 22.09.2024
Andijon va Xorazm viloyatlarida energiya resurslaridan noqonuniy foydalangan korxonalar aniqlandi
19:22 / 21.09.2024
Tadbirkorlarni quyosh paneli olishga majburlagan Sirdaryo HETK: “Prezident qarori noto‘g‘ri talqin qilingan”
08:58 / 21.09.2024