AQSh milliy xavfsizlik kengashi Trampga rossiyalik diplomatlarni chiqarib yuborishni maslahat berdi
AQSh Milliy xavfsizlik kengashi Qo‘shma Shtatlar prezidenti Donald Trampga Solsberida GRU sobiq polkovnigi Sergey Skripalning zaharlanishi yuz bergani tufayli rossiyalik diplomatlarni mamlakatdan chiqarib yuborish bo‘yicha tavsiya berdi. Bu haqda CNN telekanali vaziyatdan xabardor manbaga asosan xabar qilmoqda.
Xabar qilinishicha, tavsiyada AQShdan rossiyalik necha nafar diplomatning chiqarib yuborilishi lozimligi aytilmagan – bu raqam kengash tomonidan keyinroq e'lon qilinadi. Shuningdek, ma'lum bo‘lishicha, Tramp tavsiya bilan tanishib chiqdi hamda ayni damda bu borada qaror qabul qilishga chog‘lanmoqda. Manbaning ma'lum qilishicha, prezident tegishli qarorni yaqin vaqt ichida qabul qiladi.
Eslatib o‘tamiz, avvalroq YeIdagi qaysi davlatlar rossiyalik diplomatlarni chiqarib yuborishi mumkinligi aytilgandi.
Mavzuga oid
11:30
AQSh Kongressida shatdaunning oldini olish uchun loyiha taqdim etildi
22:03 / 22.09.2024
Tramp Harrisning debat o‘tkazish haqidagi taklifini rad etdi
23:13 / 21.09.2024
Harris saylov kampaniyasida Trampdan uch barobar ko‘p mablag‘ to‘pladi - OAV
20:40 / 21.09.2024